महिना: अगस्ट 2018

आज मिति २०७५ साल भाद्र १२ गते मंगलबारका दिन सम्माननीय राष्ट्रपति श्रीमती विद्यादेवी भण्डारीज्यूले नेपालको संविधानको धारा २६७ को उपधारा (५) बमोजिम मन्त्रिपरिषद्को सिफारिसमा हाल नेपाली सेनाको कायममुकायम प्रधान सेनापतिको कार्यभार सम्हाल्दै आउनुभएका बलाधिकृत नं. ११६१ रथी श्री पूर्णचन्द्र थापाज्यूलाई नेपाली सेनाको प्रधान सेनापति पदमा मिति २०७५/५/२४ गतेदेखि लागू हुने गरी नियुक्ति गर्नुभएको छ । (छविन्द्र पराजुली) प्रवक्ता

आज मिति २०७५ साल भाद्र १२ गते मंगलबारका दिन सम्माननीय राष्ट्रपति श्रीमती विद्यादेवी भण्डारीज्यूले नेपालको संविधानको धारा २८२ को उपधारा (१) बमोजिम मन्त्रिपरिषद्को सिफारिसमा तपसिलमा उल्लेख भएका आवासीय नेपाली राजदूतहरुलाई तपसिलमा उल्लेख भएका देशहरुका लागि गैरआवासीय नेपाली राजदूत पदमा नियुक्त गर्नु गर्नुभएको छ । सि.नं. राजदूतहरुको नाम आवासीय राजदूत र देश गैरआवासीय राजदूत नियुक्त गरेको देश १. श्री झविन्द्र प्रसाद अर्याल ईजिप्ट अल्जेरिया २. श्री यज्ञ बहादुर हमाल कुवेत इराक (छविन्द्र पराजुली) प्रवक्ता

सम्माननीय राष्ट्रपति श्रीमती विद्यादेवी भण्डारीज्यूले कास्की  जिल्ला, पोखरा -7 निवासी श्री माधव शर्मालाई नेपाली कला तथा संस्कृति, भाषा, साहित्य, इतिहास, पुरातत्व र साँस्कृतिक सम्पदाका  क्षेत्र तथा काठमाडौं जिल्ला निवासी रथी श्री नेत्र बहादुर थापा (अ.प्रा.) लाई राष्ट्रिय सुरक्षा, प्राकृतिक सम्पदा र वातावरण सम्बन्धी क्षेत्रमा सुझाव र सल्लाह दिने गरी विज्ञ पदमा नियुक्त गर्नुभएको छ ।   (छविन्द्र पराजुली) प्रवक्ता

सम्माननीय राष्ट्रपति श्रीमती विद्यादेवी भण्डारीज्यूले भारतका पूर्व प्रधानमन्त्री श्री अटल बिहारी वाजपेयीको असामयिक निधनप्रति गहिरो दुःख प्रकट गर्दै मित्रराष्ट्र भारतका महामहिम राष्ट्रपति श्री रामनाथ कोभिन्दलाई समवेदना सन्देश पठाउनुभएको छ । त्यसै गरी  सम्माननीय राष्ट्रपतिज्यूले संयुक्त राष्ट्रसंघका पूर्व महासचिव तथा नोवेल पुरस्कार विजेता एवम् विख्यात कूटनीतिज्ञ श्री कोफी आनानको असामयिक निधनप्रति गहिरो दुःख प्रकट गर्दै समवेदना व्यक्त गर्नुभएको छ ।   (छविन्द्र पराजुली) प्रवक्ता

आज मिति २०७५ साल साउन २३ गते बुधबारका दिन सम्माननीय राष्ट्रपति श्रीमती विद्यादेवी भण्डारीज्यूले नेपालको संविधानको धारा २८२ को उपधारा (१) बमोजिम मन्त्रिपरिषद्को सिफारिसमा तपसिलमा उल्लेख भएका आवासीय नेपाली राजदूतहरुलाई तपसिलमा उल्लेख भएका देशहरुका लागि गैरआवासीय नेपाली राजदूत पदमा नियुक्त गर्नु गर्नुभएको छ । सि.नं. राजदूतहरुको नाम आवासीय राजदूत र देश गैरआवासीय राजदूत नियुक्त गरेको देश १. श्री लक्की शेर्पा अष्ट्रेलिया गणतन्त्र फिजी २. श्री झविन्द्रप्रसाद अर्याल ईजिप्ट लिविया ३. श्री प्रकाश कुमार सुवेदी अष्ट्रिया स्लोभेनिया (छविन्द्र पराजुली) प्रवक्ता