महिना: फेब्रुअरी 2017

आज मिति २०७३ साल फागुन १७ गते मंगलबारका दिन राष्ट्रपति भवन, शीतलनिवासमा सम्माननीय राष्ट्रपति श्रीमती विद्यादेवी भण्डारीज्यूसमक्ष आफ्नो कार्यावधि पूरा गर्नुभएका नेपालका लागि मित्रराष्ट्र भारतका राजदूत रणजीत रेले बिदाई भेट गर्नु भयो । भेटमा पारस्परिक सम्बन्धको बिषयमा कुराकानी भयो । श्री रे साढेतीन वर्ष देखि नेपालमा राजदूत पदमा कार्यरत रहनु भएको थियो । राजदूत रे भोलि स्वदेश प्रस्थान गर्दै हुनुहुन्छ । (प्रल्हाद प्रसाद पुडासैनी) सहायक प्रवक्ता

आज मिति २०७३ साल फागुन १० गते मंगलबारका दिन राष्ट्रपति भवन, शीतलनिवासमा सम्माननीय राष्ट्रपति  श्रीमती विद्यादेवी भण्डारीज्यूसमक्ष आफ्नो कार्यकाल पूरा गर्न लाग्नु भएका सार्कका महासचिव श्री अर्जुनबहादुर थापाले शिष्टाचार विदाइ भेट गर्नुभयो  । (केशव प्रसाद घिमिरे) उपसचिव

आज मिति २०७३ साल फागुन १० गते मंगलबारका दिन राष्ट्रपति भवन, शीतलनिवासमा सम्माननीय राष्ट्रपति  श्रीमती विद्यादेवी भण्डारीज्यूसमक्ष हाल नेपालको भ्रमणमा रहनुभएका कतारका अमिरी दिवानका सल्लाहकार एवम् UNESCO को Director General पदका प्रत्यासी डा. हमाद वीन अब्दूलअजिज अल कुवारीबाट शिष्टाचार भेट भयो । उक्त भेटका अवसरमा नेपालस्थित कतारका राजदूत समेतको उपस्थिति थियो । (केशव प्रसाद घिमिरे) उपसचिव

आज मिति २०७३ साल फागुन ८ गते आइतबारका दिन  राष्ट्रपति भवन, शीतलनिवासमा सम्माननीय राष्ट्रपति  श्रीमती विद्यादेवी भण्डारीज्यूसमक्ष हाल नेपालको भ्रमणमा रहनुभएका भारतका केन्द्रिय रेल मन्त्री महामहिम श्री सुरेश प्रभुबाट शिष्टाचार भेट भयो । सो अवसरमा दुई देशबीचको सम्बन्धबारे कुराकानी भएको थियो । उक्त भेटका अवसरमा नेपाल उद्योग परिसंघ (CNI) का पदाधिकारीहरु, नेपालस्थित भारतीय राजदूतवासका प्रतिनिधि लगायत नेपाल सरकारका उच्च अधिकारीहरु समेतको उपस्थिति थियो । भारतीय रेल मन्त्री नेपाल सरकारको समन्वयमा CNI द्वारा आयोजित पूर्वाधार सम्मेलन (Infrastructure Summit) मा भाग लिन दुईदिने भ्रमणमा हिजो नेपाल आउनु भएको हो । (कुल प्रसाद चुडाल) प्रवक्ता

आज मिति २०७३ साल फागुन ५ गते बिहीबारका दिन सम्माननीय राष्ट्रपति श्रीमती विद्यादेवी भण्डारीज्यूबाट नेपालको संविधानको धारा २४५ को उपधारा (२) बमोजिम संवैधानिक परिषद्को सिफारिसमा देहायका महानुभावहरुलाई निर्वाचन आयोगको आयुक्त पदमा नियुक्त गर्नुभएको छ ।   क्र.सं. नाम थर 1. श्री नरेन्द्र दाहाल 2. श्री ईश्वरी प्रसाद पौड्याल 3. श्री सुधीरकुमार शाह सम्माननीय राष्ट्रपतिज्यूको समुपस्थितिमा माननीय प्रमुख निर्वाचन आयुक्तज्यूसमक्ष आजै नवनियुक्त आयुक्तज्यूहरुले निर्वाचन आयोगको आयुक्त पदको पद तथा गोपनियताको शपथ ग्रहण गर्नु भएको छ । (कुल प्रसाद चुडाल) प्रवक्ता

आज मिति २०७३ साल माघ २८ गते शुक्रबारका दिन  सम्माननीय राष्ट्रपति श्रीमती विद्यादेवी भण्डारीज्यूले व्यवस्थापिका-संसदको विभिन्न मितिको बैठकबाट पारित भई प्रमाणीकरणको लागि पेश हुन आएको देहाय बमोजिमका विधेयकहरु नेपालको संविधानको धारा ११३ को उपधारा (२) बमोजिम प्रमाणीकरण गर्नुभएको छ । सि.नं‌. विवरण १. निर्वाचन (कसूर तथा सजाय) विधेयक, २०७३ २. स्थानीय तह निर्वाचन विधेयक, २०७३ (प्रल्हाद प्रसाद पुडासैनी) सहायक प्रवक्ता