महिना: जुन 2018

आज मिति २०७५ साल असार १३ गते बुधबारका दिन  राष्ट्रपति भवन, शीतलनिवासमा सम्माननीय राष्ट्रपति  श्रीमती विद्यादेवी भण्डारीज्यूसमक्ष संयुक्त राष्ट्रसंघ Department of Peacekeeping Operations का उपमहासचिव Mr. Jean-Pierre Lacroix को प्रतिनिधिमण्डलबाट शिष्टाचार भेट भयो । सो अवसरमा संयुक्त राष्ट्रसंघ अन्तर्गत शान्ति स्थापना कार्यमा नेपालले निर्वाह गरिरहेको भूमिका बिषयमा कुराकानी भयो । उक्त भेटका अवसरमा नेपाल सरकारका उच्चपदस्थ अधिकारीको समेत उपस्थिति थियो । (केशव प्रसाद घिमिरे) सहायक प्रवक्ता

आज मिति २०७५ साल असार १३ गते बुधबारका दिन राष्ट्रपति भवन, शीतलनिवासमा आयोजित विशेष समारोहबीच सम्माननीय राष्ट्रपति श्रीमती विद्यादेवी भण्डारीज्यूसमक्ष नेपालका लागि तपसिल बमोजिमका मुलुकका महामहिम राजदूतहरुले आ-आफ्नो ओहोदाको प्रमाणपत्र पेश गर्नुभयो । उक्त समारोहमा नेपाल सरकारका  उच्च पदस्थ अधिकारीहरु समेतको उपस्थिति रहेको थियो । महामहिम राजदूतहरुलाई काठमाडौंस्थित होटल साङ्ग्रीलादेखि शीतलनिवाससम्म बग्गीमा सवार गराइएको थियो । तपसिल क्र.सं. मुलुक राजदूत आवासीय/गैरआवासीय 1. जापान H.E. Mr. Masamichi Saigo आवासीय 2. टुनिसिया H.E. Mr. Nejmeddine Lakhal गैरआवासीय 3. डेनमार्क H.E. Mr. Peter Taksøe-Jensen गैरआवासीय 4. भेनेजुएला H.E. Mr. Augusto Montiel गैरआवासीय (केशव प्रसाद घिमिरे) सहायक प्रवक्ता

आज मिति २०७५ साल असार १० गते आइतबारका दिन राष्ट्रपति भवन, शीतलनिवासमा सम्माननीय राष्ट्रपति श्रीमती विद्यादेवी भण्डारीज्यूसमक्ष सम्माननीय प्रधानमन्त्री श्री के.पी. शर्मा ओलीज्यूले  भेट गर्नुभयो । उक्त भेटमा सम्माननीय प्रधानमन्त्रीज्यूले आफ्नो हालै सम्पन्न भएको मित्रराष्ट्र जनवादी गणतन्त्र चीनको औपचारिक भ्रमणका अवसरमा भएका उपलब्धिका साथै समसामयिक विषयमा जानकारी गराउनु भयो । उक्त भेटका अवसरमा माननीय परराष्ट्र मन्त्री  लगायत उच्च पदस्थ पदाधिकारीहरुको समेत उपस्थिति थियो ।   (छविन्द्र पराजुली) प्रवक्ता

आज मिति २०७५ साल असार ५ गते मंगलबारका दिन  राष्ट्रपति भवन, शीतलनिवासमा सम्माननीय राष्ट्रपति  श्रीमती विद्यादेवी भण्डारीज्यूसमक्ष Pakistan Armed Forces का Chairman Joint Chiefs of Staff Committee General Zubair Mahmood Hayat ले शिष्टाचार भेट गर्नुभयो । सो भेटका अवसरमा नेपाल र पाकिस्तानबीच रहँदै आएको द्विपक्षीय सम्बन्धलाई अझ सुमधुर र प्रगाढ बनाउने एवं नेपाली सेना र  पाकिस्तानी सेनाबीच आपसी सहयोग विस्तार गर्ने सम्बन्धमा छलफल भएको थियो । (छविन्द्र पराजुली) प्रवक्ता

आज मिति २०७५ साल असार ४ गते सोमबारका दिन  राष्ट्रपति भवन, शीतलनिवासमा सम्माननीय राष्ट्रपति  श्रीमती विद्यादेवी भण्डारीज्यूसमक्ष नेपालका लागि होली सी का गैरआवासीय Apostolic Nuncio H.E. Archbishop Giambattista Diquattro ले शिष्टाचार भेट गर्नुभयो । सो अवसरमा होली सी र नेपालबीच रहि आएको सम्बन्ध, आपसी हित र चासोका बिषयमा कुराकानी भयो । उक्त भेटका अवसरमा नेपाल सरकारका उच्चपदस्थ अधिकारीहरु एवम् होली सी Apostolic Nunciature का अधिकारीको उपस्थिति थियो ।   (छविन्द्र पराजुली) प्रवक्ता

आज मिति २०७५ साल जेठ २५ गते शुक्रबारका दिन  राष्ट्रपतिभवन,शीतलनिवासमा सम्माननीय राष्ट्रपति  श्रीमती  विद्यादेवी  भण्डारीज्यूसमक्ष नेपालका लागि फिनल्याण्डका राजदूत H.E. Mr. Jorma Suvanto ले विदाई भेट गर्नुभयो । सो अवसरमा फिनल्याण्ड र नेपालबीच रहिआएको सम्बन्ध, आपसी हित र चासोका बिषयमा कुराकानी भयो । उक्त भेटका अवसरमा नेपाल सरकारका उच्चपदस्थ अधिकारीहरुको समेत उपस्थिति थियो ।   (छविन्द्र पराजुली) प्रवक्ता

आज मिति २०७५ साल जेठ २२ गते मंगलबारका दिन विश्‍व वातावरण दिवसको अवसरमा राष्ट्रपति भवन, शीतलनिवास परिसरमा वृक्षारोपण कार्यक्रम भयो । उक्त अवसरमा सम्माननीय राष्ट्रपति श्रीमती विद्यादेवी भण्डारीज्यूले Ginkgo Biloba विरुवाको बोट रोपण गर्नु भयो । सो अवसरमा राष्ट्रपति कार्यालयका सचिव श्री विनोद के सी ज्यू लगायत सम्पूर्ण कर्मचारीहरुको उपस्थिति थियो । (छविन्द्र पराजुली) प्रवक्ता