महिना: अगस्ट 2017

आज मिति २०७४ साल भाद्र १४ गते बुधबारका दिन  राष्ट्रपति भवन, शीतलनिवासमा सम्माननीय राष्ट्रपति  श्रीमती विद्यादेवी भण्डारीज्यूसमक्ष नेपालका लागि इजिष्टका राजदूत महामहिम Mr. Baher Nabl Abdelfattah Helmy ले विदाई भेट गर्नुभयो । सो अवसरमा दुई देशबीच रहि आएको सम्बन्ध, आपसी हित र चासोका बिषयमा कुराकानी भयो । उक्त भेटका अवसरमा नेपाल सरकारका उच्च पदस्थ अधिकारीहरु समेतको उपस्थिति थियो ।     (मोहनप्रसाद वाग्ले) प्रवक्ता

आज मिति २०७४ साल भाद्र ११ गते आइतबारका दिन सम्माननीय राष्ट्रपति श्रीमती विद्यादेवी भण्डारीज्यूले व्यवस्थापिका-संसदको बैठकबाट पारित भई प्रमाणीकरणको लागि पेश हुन आएको “वस्तु विनिमय बजार सम्बन्धी विधेयक, २०७४“ नेपालको संविधानको धारा ११३ को उपधारा (२) बमोजिम प्रमाणीकरण गर्नुभएको छ । (मोहनप्रसाद वाग्ले) प्रवक्ता

आज मिति २०७४ साल भाद्र ३ गते शनिबारका दिन  राष्ट्रपति भवन, शीतलनिवासमा सम्माननीय राष्ट्रपति श्रीमती विद्यादेवी भण्डारीज्यूले सम्माननीय प्रधानमन्त्रीज्यू एवम्  प्रमुख राजनीतिक दलका नेताहरुलाई आमन्त्रण गरी हालै देशमा गएको वाढी, पहीरो र समसामयिक विषयमा चासो व्यक्त गर्दै वाढी पहिरोबाट प्रभावित क्षेत्रमा उद्धार, राहत तथा पुनर्स्थापनको उचित प्रवन्ध मिलाउन, प्राकृतिक प्रकोप न्युनिकरण गर्न अल्पकालीन र दीर्घकालिन रुपमा नदी प्रणालीलाई व्यवस्थित गर्न सरकारको ध्यान आकृष्ट गराउँदै राजनीतिक दल र सम्वद्ध सवै पक्षलाई सहयोग पुर्‍याउन आह्वान गर्नु हुँदै प्राकृतिक विपत्तीलाई रोकथाम गर्न पूर्व तयारी हुनु पर्ने कुरामा जोड दिनु भयो । आगो र बाढीबाट वढी प्रभावित हुने फुस र परालका घरहरुलाई विस्थापित गर्ने, Read More …

आज मिति २०७४ साल भाद्र २ गते शुक्रबारका दिन सम्माननीय राष्ट्रपति श्रीमती विद्यादेवी भण्डारीज्यूले व्यवस्थापिका-संसदको बैठकबाट पारित भई प्रमाणीकरणको लागि पेश हुन आएको “आर्थिक विधेयक, २०७४“ नेपालको संविधानको धारा ११३ को उपधारा (२) बमोजिम प्रमाणीकरण गर्नुभएको छ ।   (कृष्ण मुरारी न्यौपाने) उपसचिव

आज मिति २०७४ साल भाद्र २ गते शुक्रबारका दिन सम्माननीय राष्ट्रपति श्रीमती विद्यादेवी भण्डारीज्यूले सम्माननीय प्रधानमन्त्रीज्यूको सिफारिसमा काठमाडौं महानगरपालिका-२६, काठमाडौं निवासी वरिष्ठ अधिवक्ता श्री वसन्तराम भण्डारीलाई नेपालको संविधानको धारा १५७ को उपधारा (२) बमोजिम नेपालको महान्यायाधिवक्ता पदमा नियुक्त गर्नुभएको छ । आजै राष्ट्रपति भवन शीतलनिवासमा आयोजित समारोहमा सम्माननीय राष्ट्रपतिज्यूको समुपस्थितिमा सम्माननीय प्रधान न्यायाधीश श्री गोपाल पराजुलीज्यूसमक्ष नवनियुक्त माननीय महान्यायाधिवक्ता श्री वसन्तराम भण्डारीज्यूले महान्यायाधिवक्ता पदको पद तथा गोपनियताको शपथग्रहण समेत गर्नुभयो । उक्त समारोहमा सम्माननीय  उपराष्ट्रपतिज्यू, सम्माननीय प्रधानमन्त्रीज्यू, संवैधानिक निकायका प्रमुखज्यूहरु, नेपाल सरकारका मुख्य सचिवज्यू लगायत उच्च पदस्थ अधिकारीहरुको समेत उपस्थिति थियो ।     (प्रल्हाद प्रसाद पुडासैनी) सहायक प्रवक्ता