महिना: जनवरी 2019

आज मिति २०७५ साल माघ १४ गते सोमबारका दिन राष्ट्रपति भवन, शीतलनिवासमा आयोजित एक समारोहमा सम्माननीय राष्ट्रपति श्रीमती विद्यादेवी भण्डारीज्यूसमक्ष न्याय परिषद् तथा न्याय सेवा आयोगका अध्यक्ष तथा सम्माननीय प्रधान न्यायधीश श्री चोलेन्द्र शमशेर ज.ब.रा.ज्यूबाट नेपालको संविधानको धारा १३८ बमोजिम न्याय परिषद् तथा न्याय सेवा आयोगको आर्थिक वर्ष २०७४/०७५ को वार्षिक प्रतिवेदन पेश भयो ।  (छविन्द्र पराजुली) प्रवक्ता

आज मिति २०७५ साल पुस २६ गते बिहीबारका दिन  राष्ट्रपति भवन, शीतल निवासमा सम्माननीय राष्ट्रपति  श्रीमती विद्यादेवी भण्डारीज्यूसमक्ष जापानका परराष्ट्र मन्त्री H.E. Mr. Taro Kono ले शिष्टाचार भेट गर्नुभयो । सो अवसरमा दुई देशबीच रहि आएको सम्बन्ध, आपसी हित र चासोका बिषयमा कुराकानी भयो । उक्त भेटका अवसरमा नेपाल सरकार तथा जापान सरकारका उच्च पदस्थ अधिकारीहरु समेतको उपस्थिति थियो ।    (केशव प्रसाद घिमिरे) सहायक प्रवक्ता

आज मिति २०७५ साल पुस २3 गते सोमबारका दिन राष्ट्रपति भवन, शीतलनिवासमा आयोजित विशेष समारोहबीच सम्माननीय राष्ट्रपति श्रीमती विद्यादेवी भण्डारीज्यूसमक्ष नेपालका लागि तपसिल बमोजिमका मुलुकका महामहिम राजदूतहरुले आ-आफ्नो ओहोदाको प्रमाणपत्र पेश गर्नुभयो । उक्त समारोहमा नेपाल सरकारका  उच्च पदस्थ अधिकारीहरु समेतको उपस्थिति रहेको थियो । महामहिम राजदूतहरुलाई काठमाडौंस्थित होटल साङ्ग्रीलादेखि शीतलनिवाससम्म बग्गीमा सवार गराइएको थियो । तपसिल क्र.सं. मुलुक राजदूत आवासीय/गैरआवासीय 1. प्रजातान्त्रिक जनगणतन्त्र कोरिया   H.E. Mr. Jo Yong Man आवासीय 2. जनवादी गणतन्त्र चीन H.E. Ms. Hou Yanqi आवासीय 3. साउदी अरेबिया H.E. Mr. Musaid bin Sulaiman M. Al-Mawany आवासीय 4. स्वेडेन H.E. Mr. Kalas Molin गैरआवासीय (छविन्द्र Read More …

आज मिति २०७५ साल पुस १८ गते बुधबारका दिन सम्माननीय राष्ट्रपति श्रीमती विद्यादेवी भण्डारीज्यूले नेपालको संविधानको धारा १२९ को उपधारा (२) बमोजिम संवैधानिक परिषद्को सिफारिसमा सर्वोच्च अदालतका माननीय न्यायाधीश श्री चोलेन्द्र शमशेर ज.व.रा.ज्यूलाई नेपालको प्रधान न्यायाधीश पदमा नियुक्त गर्नुभएको छ । राष्ट्रपतिको कार्यालयमा आयोजित एक विशेष समारोहमा आजै सम्माननीय राष्ट्रपतिज्यू समक्ष नवनियुक्त सम्माननीय प्रधान न्यायाधीश श्री चोलेन्द्र शमशेर ज.व.रा.ज्यूले सर्वोच्च अदालत ऐन, २०४८ को दफा ८ बमोजिम आफ्नो पदको पद तथा गोपनीयताको शपथ ग्रहण गर्नुभएको छ । उक्त समारोहमा सम्माननीय उपराष्ट्रपतिज्यू, सम्माननीय प्रधानमन्त्रीज्यू, प्रतिनिधि सभाका सम्माननीय सभामुखज्यू, माननीय मन्त्रीज्यूहरु, प्रतिनिधि सभाको माननीय विपक्षी दलको नेताज्यू, सर्वोच्च अदालतका माननीय न्यायाधीशज्यूहरु, न्यायपरिषदका Read More …