महिना: अक्टोबर 2018

आज मिति २०७५ साल कार्तिक ८ गते बिहीबारका दिन राष्ट्रपति भवन, शीतलनिवासमा आयोजित विशेष समारोहबीच सम्माननीय राष्ट्रपति श्रीमती विद्यादेवी भण्डारीज्यूसमक्ष नेपालका लागि तपसिल बमोजिमका मुलुकका महामहिम राजदूतहरुले आ-आफ्नो ओहोदाको प्रमाणपत्र पेश गर्नुभयो । उक्त समारोहमा नेपाल सरकारका  उच्च पदस्थ अधिकारीहरु समेतको उपस्थिति रहेको थियो । महामहिम राजदूतहरुलाई  काठमाडौंस्थित होटल साङ्ग्रीलादेखि शीतलनिवाससम्म बग्गीमा सवार गराइएको  थियो ।   तपसिल क्र.सं. मुलुक राजदूत आवासीय/गैरआवासीय १. अमेरिका H.E. Mr. Randy W. Berry आवासीय २. तान्जानिया H.E. Mr. Baraka Haran Luvanda गैरआवासीय ३. माल्टा H.E. Mr. Stephen Borg गैरआवासीय ४. क्रोयशिया H.E. Mr. Petar Ljubicic गैरआवासीय   (छविन्द्र पराजुली) प्रवक्ता

आज मिति २०७५ साल असोज २५ गते बिहीबारका दिन राष्ट्रपति भवन, शीतलनिवासमा आयोजित एक समारोहमा सम्माननीय राष्ट्रपति श्रीमती विद्यादेवी भण्डारीज्यूसमक्ष लोक सेवा आयोगका माननीय अध्यक्ष श्री उमेशप्रसाद मैनालीले नेपालको संविधानको धारा २९४ बमोजिम आयोगबाट आ.व. २०७४/०७५ मा सम्पादन गरिएका कार्यहरु तथा सुझावसहित समावेश भएको उनन्साठीऔं वार्षिक प्रतिवेदन पेश गर्नु भयो । उक्त अवसरमा लोक सेवा आयोगका माननीय सदस्यहरु लगायत राष्ट्रपतिको कार्यालयका एवम् लोक सेवा आयोगका उच्च पदस्थ अधिकारीहरु समेतको उपस्थिति थियो ।   (छविन्द्र पराजुली) प्रवक्ता

आज मिति २०७५ साल असोज २३ गते मंगलबारका दिन  राष्ट्रपति भवन, शीतलनिवासमा सम्माननीय राष्ट्रपति  श्रीमती विद्यादेवी भण्डारीज्यूसमक्ष नेपालका लागि जापानका राजदूत H.E. Masamichi  Saigo ले शिष्टाचार भेट गर्नुभयो । सो अवसरमा जापान र नेपालबीच रहि आएको सम्बन्ध, आपसी हित र चासोका बिषयमा कुराकानी भयो । उक्त भेटका अवसरमा नेपाल सरकारका उच्चपदस्थ अधिकारीहरु एवम् जापानी राजदूतावासका अधिकारीहरुको समेत उपस्थिति थियो ।  (छविन्द्र पराजुली) प्रवक्ता

आज मिति २०७५ साल असोज २३ गते मंगलबारका दिन  राष्ट्रपति भवन, शीतलनिवासमा सम्माननीय राष्ट्रपति  श्रीमती विद्यादेवी भण्डारीज्यूसमक्ष नेपालका लागि पोल्याण्डका गैरआवासीय राजदूत H.E. Mr. Adam Burakowski ले शिष्टाचार भेट  गर्नुभयो । सो अवसरमा पोल्याण्ड र नेपालबीच रहि आएको सम्बन्ध, आपसी हित र चासोका बिषयमा कुराकानी भयो । उक्त भेटका अवसरमा नेपाल सरकारका उच्चपदस्थ अधिकारीहरु एवम् पोल्याण्ड सरकारका अधिकारीहरुको समेत उपस्थिति थियो । (छविन्द्र पराजुली) प्रवक्ता