सम्माननीय राष्ट्रपति श्री रामचन्द्र पौडेलज्यूले २१औं राष्ट्रिय धान दिवस, २०८१ को अवसरमा दिनुभएको शुभकामना सन्देश

२१ औं राष्ट्रिय धान दिवस, २०८१ को शुभकामना सन्देश २१ औं राष्ट्रिय धान दिवस, २०८१ को अवसरमा सम्पूर्ण नेपाली कृषक  दिदीबहिनी तथा दाजुभाइहरूमा सुख, शान्ति र समृद्धिको हार्दिक शुभकामना व्यक्त गर्दछु । धानको उत्पादन वृद्धि आधुनिकीकरण र व्यवसायीकरणलाई प्रवर्द्धन गर्ने हेतुले विक्रम सम्वत् २०६१ देखि प्रत्येक वर्ष आषाढ १५ लाई राष्ट्रिय धान दिवसको रूपमा मनाउन थालिनु खुशीको विषय हो । यस वर्ष ‘‘जलवायु मैत्री कृषि , धान उत्पादनमा वृद्धि’’ भन्ने  राष्ट्रिय  नाराका साथ २१ औं राष्ट्रिय धान दिवस, २०८१ मनाइरहेका छौँ । नेपाल कृषि प्रधान देश हो । यहाँका अधिकांश जनता कृषिमै निर्भर छन् र हाम्रो प्रमुख खाद्यान्न बाली धान Read More …

११२ औँ अन्तर्राष्ट्रिय श्रम सम्मेलनको उच्चस्तरीय कार्यक्रम तथा सामाजिक न्यायका लागि विश्वव्यापी गठबन्धनको उद्‌घाटनसत्रमा सम्माननीय राष्ट्रपति श्री रामचन्द्र पौडेलज्यूले गर्नु भएको सम्बोधन

अध्यक्ष महोदय, महामहिम राष्ट्राध्यक्ष तथा सरकार प्रमुखज्यूहरू, अन्तर्राष्ट्रिय श्रम सङ्गठनका महानिर्देशकज्यू, सामाजिक न्यायका लागि विश्वव्यापी गठबन्धनका सहकर्मी मित्रहरू, कामदार तथा रोजगारदाता प्रतिनिधिहरू, महिला तथा सज्जनवृन्द ! सर्वप्रथम यो सम्मेलनको पूर्ण सफलताका लागि मैले विश्वको सर्वोच्च शिखर सगरमाथा एवम् शान्तिका प्रतीक गौतम बुद्धको जन्मभूमिबाट नेपाली जनताको अभिवादन र शुभेच्छा साथै लिएर आएको कुरा व्यक्त गर्दछु।त्यसैगरी, सामाजिक न्यायका लागि विश्वव्यापी गठबन्धन निर्माण भई यसको कार्यान्वयन प्रारम्भ भएकोमा म अन्तर्राष्ट्रिय श्रम सङ्गठनसँग सम्बद्घ सबैलाई हार्दिक बधाई दिन चाहन्छु। यस सम्मेलनलाई सम्बोधन गर्न मलाई विशेष अतिथिका रूपमा आमन्त्रण गर्नुभएकोमा म अन्तर्राष्ट्रिय श्रम सङ्गठनका महानिर्देशकलाई धन्यवाद व्यक्त गर्दछु।यस अन्तर्राष्ट्रिय श्रम संसद्लाई सम्बोधन गर्न पाउँदा मैले Read More …

सम्माननीय राष्ट्रपतिज्यूसमक्ष चीनका उप विदेश मन्त्रीबाट शिष्टाचार भेट

विज्ञप्ति सम्माननीय राष्ट्रपति श्री रामचन्द्र पौडेलज्यूसमक्ष चीनका उप विदेश मन्त्री H.E. Mr. Sun Weidong ले राष्ट्रपति भवनमा शिष्टाचार भेट गर्नुभयो। सो अवसरमा नेपाल र चीनबीच रहिआएको द्विपक्षीय सम्बन्ध, आपसी हित र चासोका विषयमा कुराकानी भयो। उक्त भेटमा सम्माननीय राष्ट्रपतिज्यूले मित्रराष्ट्र चीन नेपालको प्रमुख एवम् लामो समयदेखिको विकास साझेदार रहिआएको बताउनुहुँदै चीनले झण्डै सात दशकदेखि नेपालको विकास प्रयासमा पुर्‍याउदै आएको सहयोगका लागि धन्यवादसमेत व्यक्त गर्नुभयो। २०८१ साल असार १२ गते बुधबार । (शैलजा रेग्मी भट्टराई) प्रवक्ता

सम्माननीय राष्ट्रपति श्री रामचन्द्र पौडेलज्यूले विश्व योग दिवस, (जुन २१) २०२४ को अवसरमा दिनुभएको सन्देश

विश्व योग दिवस (जुन २१) को शुभकामना सन्देश विश्व योग दिवस २१ जुन २०२४ को अवसरमा स्वदेश तथा विदेशमा रहनु भएका सम्पूर्ण नेपाली दिदीबहिनी तथा दाजुभाइहरूमा सुख, शान्ति, समृद्धि एवम् सुस्वास्थ्यको हार्दिक शुभकामना व्यक्त गर्दछु । संयुक्त राष्ट्रसंघको महासभाबाट  सन् २०१४ को डिसेम्बर ११ का दिन पारित प्रस्तावअनुसार सन् २०१५ देखि हरेक वर्ष जुन २१ लाई अन्तर्राष्ट्रिय योग दिवसको रूपमा मनाउन शुरू  गरिएको हो । यस वर्ष हामी “आफू र समाजका लागि योग” भन्ने  नाराका साथ विश्व योग दिवस मनाइरहेका छौं । योग शारीरिक अभ्यास मात्र नभई  निश्‍चित नियम, विधि र प्रक्रियामा रही अपनाउने  वैज्ञानिक जीवनशैली एवम् जीवनपद्धति समेत हो Read More …

स्वदेश फिर्ता

विज्ञप्ति सम्माननीय राष्ट्रपति श्री रामचन्द्र पौडेलज्यू स्वीट्जरल्याण्ड र संङ्घीय गणतन्त्र जर्मनीको औपचारिक भ्रमणको सिलसिलामा सम्वत् २०८१ साल जेठ २९ गते त्यसतर्फ प्रस्थान गर्नु भएकोमा उक्त भ्रमण सम्पन्न गरी आज स्वदेश फर्कनु भएको छ। २०८१ साल असार ५ गते बुधबार। (शैलजा रेग्मी भट्टराई) प्रवक्ता

कार्यभार तोक्नुभएको

विज्ञप्ति सम्माननीय राष्ट्रपति श्री  रामचन्द्र पौडेलज्यू स्वीट्जरल्याण्डको जेनेभामा आयोजना हुने अन्तर्राष्ट्रिय श्रम सम्मेलन (International Labour Conference) को ११२ औं अधिवेशनमा सहभागी हुन तथा संङ्घीय गणतन्त्र जर्मनीको औपचारिक भ्रमणको सिलसिलामा सम्वत् २०८१ साल जेठ २९ गते मङ्‌गलबारका दिन त्यसतर्फ प्रस्थान गर्नु भएकोले उहाँको अनुपस्थितिमा राष्ट्रपतिबाट सम्पादन हुने कार्य नेपालको संविधानको धारा ६७ को उपधारा (२) बमोजिम सम्माननीय उपराष्ट्रपतिबाट सम्पादन गरिने गरी तोक्नु भएको छ। २०८१ साल जेठ २९ गते मङ्‌गलबार। (शैलजा रेग्मी भट्टराई) प्रवक्ता

गैरआवासीय नेपाली राजदूत पदमा नियुक्त

विज्ञप्ति सम्माननीय राष्ट्रपति श्री  रामचन्द्र पौडेलज्यूले  नेपालको संविधानको धारा २८२ को उपधारा (१)  बमोजिम नेपाल सरकार, मन्त्रिपरिषद्को सिफारिसमा स्वीट्जरल्याण्डका लागि नेपालको आवासीय राजदूत श्री राम प्रसाद सुवेदीलाई सान मारिनोका लागि समेत गैरआवासीय नेपाली राजदूत पदमा र संयुक्त राष्ट्र संघका लागि नेपालको स्थायी नियोग, न्यूयोर्कका लागि स्थायी प्रतिनिधि श्री लोक बहादुर थापालाई गणतन्त्र निकारागुवाका लागि समेत गैरआवासीय नेपाली राजदूत पदमा नियुक्त गर्नु भएको छ। २०८१ साल जेठ २८ गते सोमबार। (शैलजा रेग्मी भट्टराई) प्रवक्ता

प्रधानमन्त्रीको कार्यभार

विज्ञप्ति सम्माननीय राष्ट्रपति श्री रामचन्द्र पौडेलज्यूले सम्माननीय प्रधानमन्त्री श्री पुष्पकमल दाहाल “प्रचण्ड”ज्यू छिमेकी मित्रराष्ट्र भारतका नवनियुक्त प्रधानमन्त्रीको शपथग्रहण समारोहमा सहभागी हुन सम्वत् २०८१ साल जेठ २७ गते आइतबार त्यसतर्फ प्रस्थान गर्नु हुने भएकोले प्रधानमन्त्रीको अनुपस्थितिमा प्रधानमन्त्रीले गर्ने दैनिक प्रशासनिक कार्य नेपालको संविधान बमोजिम प्रधानमन्त्रीको सिफारिसमा माननीय उपप्रधानमन्त्री एवं भौतिक पूर्वाधार तथा यातायत मन्त्री श्री रघुबीर महासेठज्यूले सम्हाल्ने गरी तोक्नु भएको छ। २०८१ साल जेठ २७ गते आइतबार। (शैलजा रेग्मी भट्टराई) प्रवक्ता

सम्मााननीय राष्ट्रपति रामचन्द्र पौडेलज्यूले अन्तर व्यवस्थापिका मञ्च, नेपालका पदाधिकारीलाई गर्नुभएको सम्वोधन

सम्माननीय सभामुख, सम्माननीय राष्ट्रियसभा अध्यक्ष, प्रदेशसभाका माननीय सभामुख, माननीय उपसभामुखसहित संघीय संसद र प्रदेशसभा सचिवालयका सचिवहरूलाई राष्ट्रपति कार्यालयमा हार्दिक स्वागत गर्दछु । संसदको नेतृत्व गरिरहनुभएका संघ र प्रदेशका सभामुख/उपसभामुखहरुसँगको भेटघाट र छलफलको यो अवसर जुटाइदिनुभएकोमा प्रतिनिधिसभाका सम्माननीय सभामुखलाई धन्यवाद दिन चाहन्छु । तपाई हाम्रो भेटघाट र सार्थक छलफलले व्यवस्थालाई बलियो बनाउँछ । संविधानको कार्यान्वयन र लोकतन्त्रको सुदृढीकरणका लागि संवाद र छलफल हुनु आवश्यक छ। तर कताकता हामीकहाँ मोरल अथोरीटीप्रति सम्मान गर्ने संस्कार बन्न नसकेको हो की भन्ने मलाई लागीरहेको छ । त्यसले लोकतन्त्र परिपक्व बनाउन, सुदृढ बनाउन बाधा पुर्‍याउँछ । मोरल अथोरीटीको सम्मान गर्ने संस्कार जति विकास हुन्छ त्यति नै Read More …

सम्माननीय राष्ट्रपति श्री रामचन्द्र पौडेलज्यूले विश्व वातावरण दिवस, (जुन ५) २०२४ को अवसरमा दिनुभएको सन्देश

विश्व वातावरण दिवस, (जुन ५) २०२४ को शुभकामना सन्देश विश्व वातावरण दिवस (जुन ५) २०२४ को अवसरमा स्वदेश तथा विदेशमा रहनुभएका सम्पूर्ण नेपाली दिदीबहिनी तथा दाजुभाइहरूमा सुख, शान्ति र समृद्धिको हार्दिक शुभकामना व्यक्त गर्दछु । संयुक्त राष्ट्र संघले आह्वान गरे बमोजिम प्रत्येक वर्ष जुन ५ लाई विश्व वातावरण दिवसको  रूपमा मनाउन थालिएको हो । यस वर्ष ‘‘हाम्रो भूमि, हाम्रो भविष्य’’ भन्ने  राष्ट्रिय  नाराका साथ विश्व वातावरण दिवस मनाइरहेका छौँ । आजको दिन हामी सबैले आफ्नो घर वरिपरि रहेको वातावरण सुधार गर्दै वन, जल, वनस्पति, कृषि तथा जीवहरूको पर्यावरणीय सम्बन्धलाई जीवनमुखी बनाई नेपालको संविधानले प्रदत्त गरेको स्वच्छ वातावरणमा बाँच्न पाउने हकलाई Read More …