महिना: जुलाई 2024

विज्ञप्ति सम्माननीय राष्ट्रपति श्री रामचन्द्र पौडेलज्यूले नेपाल सरकार, मन्त्रिपरिषद्को मिति २०८१/४/१४ गतेको बैठकको निर्णय एवम् सिफारिसमा नेपालको संविधानको धारा १६३ को उपधारा (२) बमोजिम देहायका व्यक्तिहरूलाई देहायका प्रदेशका प्रदेश प्रमुखमा नियुक्त गर्नुभएको छ । तपसिल क्र.सं. नाम थर, ठेगाना प्रदेश १ श्री दीपक प्रसाद देवकोटा, कैलाली बागमती प्रदेश २ श्री कृष्णबहादुर घर्तीमगर, रोल्पा लुम्बिनी प्रदेश ३ श्री यज्ञराज जोशी, बझाङ कर्णाली प्रदेश  २०८१ साल साउन १६ गते बुधबार। ने.सं. ११४४ दिल्लागा, ११ बुधबार। (शैलजा रेग्मी भट्टराई) प्रवक्ता            

विज्ञप्ति सम्माननीय राष्ट्रपति श्री रामचन्द्र पौडेलज्यूले नेपाली सेनाका प्रधान सेनापति महारथी श्री प्रभुराम शर्माको तीन वर्षे पदावधि मिति २०८१/५/२४ मा समाप्त भई अनिवार्य अवकाश पाउने र निज मिति २०८१/४/२५ देखि घर बिदामा बस्नु हुने भएकोले हाल ज्येष्ठता क्रममा रहेका व्य.नं. १६१४ बलाधिकृत रथी श्री अशोकराज सिग्देललाई सैनिक ऐन, २०६३ को दफा ८ को उपदफा (३) अनुसार नेपाल सरकार, मन्त्रिपरिषद्को मिति २०८१/४/१४ को निर्णयबाट सिफारिस भए बमोजिम मिति २०८१/४/२५ देखि लागू हुनेगरी नेपाली सेनाको कायम मुकायम प्रधान सेनापति तोक्नु भएको छ ।  २०८१ साल साउन १६ गते बुधबार। ने.सं. ११४४ दिल्लागा, ११ बुधबार। (शैलजा रेग्मी भट्टराई) प्रवक्ता

विज्ञप्ति सम्माननीय राष्ट्रपति श्री रामचन्द्र पौडेलज्यूले नेपाल सरकार, मन्त्रिपरिषद्को सम्वत् २०८१/४/१४ गतेको बैठकको निर्णय एवम् सिफारिसमा नेपालको संविधानको धारा १६५ को उपधारा (१) को खण्ड (ख) बमोजिम देहायका प्रदेशका प्रदेश प्रमुखहरूलाई पदमुक्त गर्नुभएको छ । तपसिल क्र.सं. नाम थर प्रदेश १ श्री यादवचन्द्र शर्मा बागमती प्रदेश २ श्री अमिक शेरचन लुम्बिनी प्रदेश ३ श्री तिलक परियार कर्णाली प्रदेश  २०८१ साल साउन १६ गते बुधबार। ने.सं. ११४४ दिल्लागा, ११ बुधबार। (शैलजा रेग्मी भट्टराई) प्रवक्ता          

विज्ञप्ति सम्माननीय राष्ट्रपति श्री रामचन्द्र पौडेलज्यूले नेपालको संविधानको धारा १५७ को उपधारा (२) बमोजिम सम्माननीय प्रधानमन्त्रीको सिफारिसमा काठमाडौं महानगरपालिका वडा नं. ७, चावहिल निवासी वरिष्ठ अधिवक्ता श्री रमेश वडाललाई  नेपालको महान्यायाधिवक्ता पदमा नियुक्त गर्नुभएको छ। २०८१ साल साउन २ गते बुधबार। (शैलजा रेग्मी भट्टराई) प्रवक्ता

विज्ञप्ति सम्माननीय राष्ट्रपति श्री रामचन्द्र पौडेलज्यूसमक्ष सम्माननीय प्रधानमन्त्रीज्यू मार्फत महान्यायाधिवक्ता डा. दीनमणी पोखरेलले  महान्यायाधिवक्ताको पदबाट दिनु भएको राजीनामा स्वीकृत भएको छ। २०८१ साल साउन १ गते मङ्‌गलबार। (शैलजा रेग्मी भट्टराई) प्रवक्ता