महिना: डिसेम्बर 2017

आज मिति २०७४ साल पुष १६ गते आइतबारका दिन राष्ट्रपतिभवन, शीतलनिवासमा सम्माननीय राष्ट्रपति श्रीमती विद्यादेवी भण्डारीज्यूसमक्ष त्रिभुवन विश्‍वविद्यालयका पदाधिकारीहरुबाट भेट भयो । उक्त अवसरमा त्रिभुवन विश्‍वविद्यालयका कुलपति एवम् सम्माननीय प्रधानमन्त्रीज्यू, सहकुलपति एवम् माननीय उपप्रधान तथा शिक्षामन्त्रीज्यू, जवाहरलाल नेहरु विश्‍वविद्यालयका उपकुलपति प्रा.डा. एम. जगदीश कुमार, त्रिभुवन विश्‍वविद्यालयका उपकुलपतिज्यू तथा पदाधिकारीज्यूहरु लगायत नेपाल सरकारका उच्च पदस्थ अधिकारीहरु समेतको उपस्थित रहेको थियो । (प्रल्हादप्रसाद पुडासैनी) उपसचिव

आज मिति २०७४ साल पौष १४ गते शुक्रबारका दिन सम्माननीय राष्ट्रपति श्रीमती विद्यादेवी भण्डारीज्यूले मन्त्रिपरिषद्को मिति २०७४/७/६ को बैठकबाट सिफारिस भएको देहाय बमोजिमको अध्यादेश नेपालको संविधानको धारा ११४ को उपधारा (१) बमोजिम जारी गर्नुभएको छ । क्र.सं. अध्यादेशको नाम १. राष्ट्रिय सभा सदस्य निर्वाचन अध्यादेश, २०७४   (कुलप्रसाद चुडाल) प्रवक्ता

आज मिति २०७४ साल मंसिर २८ गते बिहीबारका दिन राष्ट्रपति भवन, शीतलनिवासमा आयोजित एक समारोहमा सम्माननीय राष्ट्रपति श्रीमती विद्यादेवी भण्डारीज्यूसमक्ष अख्तियार दुरुपयोग अनुसन्धान आयोगका माननीय प्रमुख आयुक्त श्री दीप वस्न्यातज्यूले नेपालको संविधानको धारा २९४ को उपधारा (१)  बमोजिम अख्तियार दुरुपयोग अनुसन्धान आयोगको आर्थिक वर्ष २०७३/०७४ को वार्षिक प्रतिवेदन पेश गर्नु भएको छ । उक्त अवसरमा अख्तियार दुरुपयोग अनुसन्धान आयोगका माननीय आयुक्तहरु तथा नेपाल सरकारका उच्च पदस्थ पदाधिकारीहरुसमेतको उपस्थिति थियो ।    (कुल प्रसाद चुडाल) प्रवक्ता

आज मिति २०७४ साल मंसिर २५ गते सोमबारका दिन राष्ट्रपति भवन, शीतलनिवासमा सम्माननीय राष्ट्रपति श्रीमती विद्यादेवी भण्डारीज्यूसमक्ष हाल नेपालको भ्रमणमा रहनु भएका मित्रराष्ट्र म्यानमारका Commander-in-Chief of Defense Services Senior General Min Aung Hlaing बाट शिष्टाचार भेट भयो । भेटका अवसरमा नेपाल र म्यानमारबीच रहदै आएको द्विपक्षीय सम्बन्धलाई अझ सुमधुर र प्रगाढ बनाउने एवं नेपाली सेना र  म्यानमार सेनाबीच सहयोग र सम्बन्धका विषयमा छलफल भएको थियो । उक्त अवसरमा नेपालका लागि म्यानमारका राजदूत, म्यानमार सेनाका पदाधिकारीहरु र राष्ट्रपतिको कार्यालयका उच्चपदस्थ पदाधिकारीहरुको समेत उपस्थिति थियो । (कुलप्रसाद चुडाल) प्रवक्ता  

आज मिति २०७४ साल मंसिर २४ गते आइतबारका दिन राष्ट्रपति भवन, शीतलनिवासमा आयोजित विशेष समारोहबीच सम्माननीय राष्ट्रपति श्रीमती विद्यादेवी भण्डारीज्यूसमक्ष नेपालका लागि म्यानमारका आवासीय राजदूत H.E. Mr. Thiri Pyanchi U Tun Nay Linn ले आफ्नो ओहदाको प्रमाणपत्र पेश गर्नुभयो । उक्त समारोहमा नेपाल सरकारका उच्च पदस्थ अधिकारीहरु समेतको उपस्थिति रहेको थियो ।   (कुलप्रसाद चुडाल) प्रवक्ता