महिना: डिसेम्बर 2016

आज मिति २०७३ पौष १३ गते बुधबारका दिन राष्ट्रपति भवन, शीतलनिवासमा आयोजित एक समारोहमा सम्माननीय राष्ट्रपति श्रीमती विद्यादेवी भण्डारीज्यूसमक्ष निर्वाचन आयोग, नेपालका माननीय प्रमुख निर्वाचन आयुक्त डा. अयोधीप्रसाद यादवले नेपालको संविधानको धारा २९४ को उपधारा (१) बमोजिम निर्वाचन आयोगको आ.व. २०७२/०७३ को वार्षिक प्रतिवेदन पेश गर्नु भएको  छ । (कुल प्रसाद चुडाल) प्रवक्ता  

आज मिति २०७३ साल पौष ७ गते बिहीबारका दिन  राष्ट्रपति भवन, शीतलनिवासमा सम्माननीय राष्ट्रपति श्रीमती विद्यादेवी भण्डारीज्यूसमक्ष हाल नेपालको भ्रमणमा रहनुभएका पाकिस्तानका पूर्व मन्त्री एवम् World Health Organization (WHO) को Director General पदका उम्मेदवार Dr. Sania Nishtar बाट शिष्टाचार भेट भयो । उक्त भेटमा नेपालका लागि पाकिस्तानका राजदूत समेतको उपस्थिति थियो । (कुल प्रसाद चुडाल) प्रवक्ता  

आज मिति २०७३ साल पौष ७ गते बिहीबारका दिन  सम्माननीय राष्ट्रपति श्रीमती विद्यादेवी भण्डारीज्यूले व्यवस्थापिका-संसदको सम्वत् २०७३ साल मंसिर ५ गतेको बैठकबाट पारित भई प्रमाणीकरणको लागि पेश हुन आएको देहाय बमोजिमको विधेयक नेपालको संविधानको धारा ११३ को उपधारा (२) बमोजिम प्रमाणीकरण गर्नुभएको छ । सि.नं‌. विवरण प्रमाणीकरण मिति १. संघीय संसदका पदाधिकारी तथा सदस्यहरुको पारिश्रमिक र सुविधा सम्बन्धी विधेयक, २०७३ २०७३/९/७ (कुल प्रसाद चुडाल) प्रवक्ता

आज मिति २०७३ साल पौष ६ गते बुधबारका दिन राष्ट्रपति भवन, शीतलनिवासमा आयोजित विशेष समारोहबीच सम्माननीय राष्ट्रपति श्रीमती विद्यादेवी भण्डारीज्यूसमक्ष नेपालका लागि तपसिल बमोजिमका मुलुकका महामहिम राजदूतहरुले आ-आफ्नो ओहदाको प्रमाणपत्र पेश गर्नुभयो । उक्त समारोहमा प्रधान सेनापति श्री राजेन्द्र क्षत्री, राष्ट्रपतिको कार्यालयका सचिव श्री भूपेन्द्रप्रसाद पौड्याल, परराष्ट्र मन्त्रालयका सचिव श्री शंकरदास वैरागी लगायत नेपाल सरकारका उच्च अधिकारीहरु समेतको उपस्थिति रहेको थियो । महामहिम राजदूतहरुलाई काठमाडौंस्थित होटल साङ्ग्रीलादेखि शीतलनिवाससम्म बग्गीमा सवार गराइएको थियो । तपसिल क्र.सं. मुलुक राजदूत आवासीय/ गैरआवासीय 1. लक्जेम्वर्ग H.E. Mr. Sam Andre Auguste Schreiner गैरआवासीय 2. गणतन्त्र इथिओपिया H.E Mr. Asfaw Dingamo Kame गैरआवासीय 3. ताजिकिस्तान H.E. Read More …

आज मिति २०७३ साल पुस ४ गते सोमबारका दिन  राष्ट्रपति भवन, शीतलनिवासमा सम्माननीय राष्ट्रपति श्रीमती विद्यादेवी भण्डारीज्यूसमक्ष हाल नेपालको भ्रमणमा रहनुभएका मंगोलियाका परराष्ट्र मन्त्री H.E. Mr. Tsend Munkh-Orgil को नेतृत्वमा आएको प्रतिनिधिमण्डलले शिष्टाचार भेट गर्‍यो । भेटका अवसरमा नेपाल र मंगोलियाबीच रहदै आएको द्विपक्षीय सम्बन्धलाई अझ सुमधुर र प्रगाढ बनाउने विषयमा छलफल भएको थियो । (कुल प्रसाद चुडाल) प्रवक्ता

आज मिति २०७३ साल पुष ३ गते आइतबारका दिन  राष्ट्रपति भवन, शीतलनिवासमा सम्माननीय राष्ट्रपति श्रीमती विद्यादेवी भण्डारीज्यूसमक्ष हाल नेपालको भ्रमणमा रहनुभएका चीनिया कम्यूनिष्ट पार्टी (CPC) का Member of Political Bureau and Secretariat of CPC Central Committee and Chief of CPC publicity Department H.E. Mr. Liu Qibao (ल्यू छिपाओ) को नेतृत्वमा आएको टोलीले शिष्टाचार भेट गर्‍यो । भेटका अवसरमा नेपाल र चीनबीच रहदै आएको द्विपक्षीय सम्बन्धलाई अझ सुमधुर र प्रगाढ बनाउने विषयमा छलफल भएको थियो । उक्त अवसरमा नेपालका लागि चीनका महामहिम राजदूत समेतको उपस्थिति रहेको थियो । (कुल प्रसाद चुडाल) प्रवक्ता