महिना: सेप्टेम्बर 2017

आज मिति २०७४ साल असोज २ गते सोमबारका दिन  राष्ट्रपति भवन, शीतलनिवासमा सम्माननीय राष्ट्रपति  श्रीमती विद्यादेवी भण्डारीज्यूसमक्ष हाल नेपाल भ्रमणमा रहनुभएका गणतन्त्र माल्दिभ्सका गैरआवासीय राजदूत महामहिम श्री अहमद सलिमले शिष्टाचार भेट गर्नुभयो । सो अवसरमा दुई देशबीच रहि आएको सम्बन्ध, आपसी हित र चासोका बिषयमा कुराकानी भयो । उक्त भेटका अवसरमा नेपाल सरकारका उच्च पदस्थ अधिकारीहरु समेतको उपस्थिति थियो ।   (मोहनप्रसाद वाग्ले) प्रवक्ता

आज मिति २०७४ साल भाद्र २७ गते मंगलबारका दिन  राष्ट्रपति भवन, शीतलनिवासमा सम्माननीय राष्ट्रपति  श्रीमती विद्यादेवी भण्डारीज्यूसमक्ष नेपालका लागि युरोपियन युनियनका राजदूत महामहिम Mrs. Rensje Teerink ले विदाई भेट गर्नुभयो । सो अवसरमा युरोपियन युनियन र नेपालबीच रहि आएको सम्बन्ध, आपसी हित र चासोका बिषयमा कुराकानी भयो । उक्त भेटका अवसरमा नेपालस्थित युरोपियन युनियन तथा नेपाल सरकारका उच्च पदस्थ अधिकारीहरुको उपस्थिति थियो ।   (मोहनप्रसाद वाग्ले) प्रवक्ता

आज मिति २०७४ साल भाद्र २६ गते सोमबारका दिन राष्ट्रपति भवन शीतलनिवासमा आयोजित एक समारोहकाबीच सम्माननीय राष्ट्रपति श्रीमती विद्यादेवी भण्डारीज्यूसमक्ष तपसिलमा उल्लेखित नवनियुक्त माननीय मन्त्रीज्यूहरुले नेपालको संविधानको धारा ८० बमोजिम पद तथा गोपनीयताको शपथ ग्रहण गर्नुभएको छ । उक्त समारोहमा सम्माननीय उपराष्ट्रपतिज्यू, सम्माननीय प्रधानमन्त्रीज्यू, माननीय मन्त्रीज्यूहरु, संवैधानिक निकायका प्रमुखज्यूहरु, माननीय सांसदज्यूहरु तथा नेपाल सरकारका उच्च पदस्थ अधिकारीहरु समेतको उपस्थिति थियो । तपसिल क्र.सं. नामथर कार्यविभाजन १. श्री दिपक बोहरा विज्ञान तथा प्रविधि २. श्री सुनिल बहादुर थापा उद्योग ३. श्री विक्रम पाण्डे वन तथा भू-संरक्ष   (मोहनप्रसाद वाग्ले) प्रवक्ता

आज मिति २०७४ साल भाद्र २३ गते शुक्रबारका दिन ३८ औं राष्ट्रिय शिक्षा दिवस, २०७४ तथा अन्तर्राष्ट्रिय साक्षरता दिवसका अवसरमा राष्ट्रपति भवन, शीतलनिवासमा आयोजित एक विशेष समारोहमा सम्माननीय राष्ट्रपति  श्रीमती विद्यादेवी भण्डारीज्यूबाट  स्वदेशी तथा विदेशी शिक्षण संस्थाबाट विभिन्न उपाधि हासिल गरेका नेपाली छात्रछात्राहरुलाई ‘क’ श्रेणीको नेपाल विद्याभुषण पदक २१५ जनालाई, ‘ख’ श्रेणीको नेपाल विद्याभुषण पदक ८२ जनालाई, ‘ग’ श्रेणीको नेपाल विद्याभुषण पदक २८ जनालाई, नेपाल भित्रका विश्‍व विद्यालय/प्रतिष्ठान/परिषदबाट स्नातक तहतर्फ छात्रामध्ये उत्कृष्ट हुनेलाई नेपाल छात्रा विद्यापदक २३ जनालाई तथा नेपाल भित्रका विश्‍व विद्यालय/प्रतिष्ठान/परिषदबाट प्रमाणपत्र तह वा सो सरह तर्फ छात्रामध्ये उत्कृष्ट हुनेलाई नेपाल छात्रा विद्यापदक ३ जना समेत जम्मा ३५१ Read More …

आज मिति २०७४ साल भाद्र २२ गते बिहीबारका दिन सम्माननीय राष्ट्रपति श्रीमती विद्यादेवी भण्डारीज्यूले व्यवस्थापिका-संसदको बैठकबाट पारित भई प्रमाणीकरणको लागि पेश हुन आएको देहाय बमोजिमका विधेयकहरु नेपालको संविधानको धारा ११३ को उपधारा (२) बमोजिम प्रमाणीकरण गर्नुभएको छ । सि.नं‌. विवरण १. प्रतिनिधि सभा सदस्य निर्वाचन विधेयक, २०७४ २. प्रदेश सभा सदस्य निर्वाचन विधेयक, २०७४   (प्रल्हादप्रसाद पुडासैनी) सहायक प्रवक्ता

आज मिति २०७४ साल भाद्र २० गते मंगलबारका दिन राष्ट्रपति भवन, शीतलनिवासमा सम्माननीय राष्ट्रपति श्रीमती विद्यादेवी भण्डारीज्यूसमक्ष सम्माननीय प्रधानमन्त्री श्री शेरबहादुर देउवाज्यूले  भेट गर्नुभयो । उक्त भेटमा सम्माननीय प्रधानमन्त्रीज्यूले आफ्नो हालै सम्पन्न गणतन्त्र भारत भ्रमणका अवसरमा प्रकाशित संयुक्त विज्ञप्तिमा उल्लेख भएका बुँदाहरु, कोशी परियोजनामा नेपाली जनताले पाउनुपर्ने मुआब्जा, डुबान समस्या निराकरण गर्न संयुक्त प्राविधिक टोली बनाउने लगायतका अन्य समसामयिक विषयमा जानकारी गराउनुभएको थियो । उक्त भेटमा परराष्ट्र मन्त्रालयका सचिव लगायत उच्च सरकारी अधिकारीहरुको समेत उपस्थिति थियो । (केशव प्रसाद घिमिरे) उपसचिव