वर्ग समाचार

काठमाडौँ । सम्माननीय राष्ट्रपति रामचन्द्र पौडेलज्यूले बालबालिकाको शारीरिक, मानसिक र चौतर्फी व्यक्तित्व विकासको लागि खेल जरुरी रहेको बताउनुभएको छ । उहाँले यही कारणले राष्ट्रका लागि खेल स्वास्थ्यका लागि खेल भनिएको स्पष्ट पार्नुभयो । दशरथ रंगशालामा बुधबार आयोजित पन्ध्रौँ राष्ट्रपति रनिङ शिल्ड प्रतियोगिताको उद्घाटन समारोहलाई सम्बोधन गर्दै उहाँले सो धारणा व्यक्त गर्नुभएको हो । “खेलाडी उत्पादनको प्रमुख र प्रारम्भिक जग भनेकै गाउँ र विद्यालय हो, यहीबाट छानिएका उत्कृष्ट र योग्य बालबालिकाले राष्ट्रिय खेलाडीका रुपमा उभ्याउँदै अन्तर्राष्ट्रिय प्रतियोगितासम्म पुग्ने बाटो तय गर्छन्, त्यसैले स्थानीय स्तरमा पूर्वाधार, खेलसामग्री, दक्ष प्रशिक्षक र प्रतियोगताका अवसर बढाएर खेलप्रतिको आकर्षण बढाउनुपर्दछ ।” शिक्षा र खेलकुदबीच निकट सम्बन्ध Read More …

काठमाडौँ । सम्माननीय राष्ट्रपति रामचन्द्र पौडेलज्यूले स्वदेशमै उत्पादन र रोजगारी बढाउने, श्रम गर्ने संस्कृतिको सम्मानसहित सीपवान र शीलवान नागरिक तयार गरी राष्ट्रिय एकतालाई सुदृढ बनाउनेतर्फ हाम्रो पाठ्यक्रम र पठनपाठन केन्द्रित हुन जरुरी रहेको बताउनुभएको छ । नेपाल आदर्श माध्यमिक विद्यालयको ७५ औं जन्मजयन्ती (हीरक महोत्सव) का अवसरमा शुक्रबार राजधानीमा आयोजित कार्यक्रमलाई सम्बोधन गर्नुहुँदै सम्माननीय राष्ट्रपतिज्यूले सो धारणा व्यक्त गर्नुभएको हो । उहाँले सूचना प्रविधिको विकास भएको आधुनिक समयमा उत्पादन वृद्धि, रोजगारी सिर्जना, पूर्वाधारसहित नेपाल र नेपालीले अपेक्षा गरेको विकासको चाहनालाई पूरा गर्ने शिक्षा दिन आवश्यक रहेको उल्लेख गर्नुभयो । सो अवसरमा सम्माननीय राष्ट्रपतिज्यूले अध्ययनका लागि मुलुकबाहिर जाने प्रवृत्तिमा कमी ल्याउन Read More …

ललितपुर । सम्माननीय राष्ट्रपति रामचन्द्र पौडेलज्यूले वर्षा र सहकालका देवता मानिने रातो मच्छिन्द्रनाथको भोटो जात्रा यही जेठ १८ गते आइतबार अपरान्ह अवलोकन गर्नुभयो । ललितपुरको जावलाखेलमा आयोजित भोटोजात्रामा सरिक भई उहाँले प्रथम महिला सबिता पौडेलसहित सो जात्रा अवलोकन गर्नुभएको थियो । मच्छिन्द्रनाथको रथ लगनखेलबाट जावलाखेल पुर्‍याइएको चौथो दिन भोटो देखाउने परम्परा छ । सो अवसरमा गुठी संस्थानका कर्मचारीले सो भोटो देखाएका थिए भने सम्माननीय राष्ट्रपति पौडेलज्यूले रातो मच्छिन्द्रनाथसँगै जीवित देवी कुमारीको दर्शन पनि गर्नुभएको थियो । मच्छिन्द्रनाथलाई अन्नदाता, पानी पार्ने देवता, अनिष्ट र अनिकाललाई सामना गर्ने देवताका रुपमा मानिन्छ । त्यसो हुँदा यसको सांस्कृतिक, धार्मिक र ऐतिहासिक महत्व रहिआएको छ Read More …

काठमाडौँ । सम्माननीय राष्ट्रपति रामचन्द्र पौडेलज्यू प्रथम महिला सविता पौडेलसहित गणतन्त्र दिवस २०८२ मूल समारोह समितिद्वारा सैनिक मञ्च टुँडिखेलमा यही जेठ १५ गते  आयोजित विशेष समारोहमा  सरिक हुनुभयो । उक्त कार्यक्रममा सम्माननीय राष्ट्रपतिज्यूको सम्मानमा नेपाली सेनाले सलामी अर्पण गरेको थियो । कार्यक्रममा राष्ट्रिय गान, झण्डोत्तोलन गरिनुका साथै सहिदप्रति श्रद्धाञ्जली अर्पण गरिएको थियो । समारोहमा नेपाली सेनाको हेलिकोप्टरबाट गणतन्त्र दिवस–२०८२ अङ्कित ब्यानर प्रदर्शनी र पुष्पवृष्टि गरिएको थियो । साथै विविध साँस्कृतिक झाँकी प्रदर्शन र सुरक्षा निकायबाट मार्चपास प्रस्तुत भएको थियो ।

सम्माननीय राष्ट्रपति श्री रामचन्द्र पौडेल आज बिहान १०:०० बजे श्री एयरलाईन्सको विमानबाट दिल्लीस्थित अल इण्डिया इन्स्टिच्युट अफ मेडिकल साइन्सेस (एम्स) मा थप उपचारको लागि प्रस्थान गर्नुभएको छ । नेपालको त्रि. वि. शिक्षण अस्पताल र एम्स अस्पतालका चिकित्सकहरूको बीचमा परामर्श हुँदा  उहाँलाई थप अनुसन्धान एवं उपचारका लागि त्यहीँ जान उपयुक्त हुने राय आएपछि भारतको एम्स अस्पताल जानुभएको हो । सम्माननीय राष्ट्रपतिज्यूको उक्त अस्पतालमा उपचार शुरू भैसकेको छ  ।