महिना: मे 2017

आज मिति २०७४ साल जेठ ८ गते सोमबारका दिन सम्माननीय राष्ट्रपति श्रीमती विद्यादेवी भण्डारीज्यूले संवैधानिक परिषद्को सिफारिसमा हाल अख्तियार दुरुपयोग अनुसन्धान आयोगको कार्यवाहक प्रमुख आयुक्त पदमा कार्यरत श्री दीप बस्न्यात, उदयपुरलाई नेपालको संविधानको धारा २३८ को उपधारा (२) बमोजिम अख्तियार दुरुपयोग अनुसन्धान आयोगको प्रमुख आयुक्त पदमा र संवैधानिक परिषद्को सिफारिसमा टंकमणि शर्मा (दंगाल), इटहरी-२, सुनसरीलाई नेपालको संविधानको धारा २४० को उपधारा (२) बमोजिम महालेखापरीक्षक पदमा नियुक्त गर्नुभएको छ । आजै राष्ट्रपति भवन, शीतलनिवासमा आयोजित विशेष समारोहबीच सम्माननीय राष्ट्रपतिज्यूको समुपस्थितिमा सर्वोच्च अदालतका सम्माननीय कायममुकाय प्रधान न्यायाधीश गोपाल पराजुलीसमक्ष नवनियुक्त प्रमुख आयुक्तज्यू तथा नवनियुक्त महालेखापरीक्षकज्यूले पद तथा गोपनीयताको शपथ ग्रहण गर्नु भएको Read More …

आज मिति २०७४ साल जेठ ५ गते शुक्रबारका दिन सम्माननीय राष्ट्रपति श्रीमती विद्यादेवी भण्डारीज्यूबाट नेपालको संविधान बमोजिम सम्माननीय प्रधानमन्त्रीको सिफारिसमा सम्वत् २०७४ साल जेठ ८ गते सोमबारका दिन १३.०० बजे अन्तर्राष्ट्रिय सम्मेलन केन्द्र, नयाँ बानेश्वरमा वस्ने गरी व्यवस्थापिका-संसदको अधिवेशन आह्वान गर्नुभएको छ । (केशव प्रसाद घिमिरे) उपसचिव

आज मिति २०७४ साल जेठ ५ गते शुक्रबारका दिन सम्माननीय राष्ट्रपति श्रीमती विद्यादेवी भण्डारीज्यूले नेपालको संविधानको धारा २८२ को उपधारा (१) बमोजिम मन्त्रिपरिषद्को सिफारिसमा हंसपुर कठपुल्ला-९, धनुषा निवासी श्री महेन्द्र प्रसाद सिंह राजपुतलाई साउदी अरेवियाका लागि नेपाली राजदूत पदमा नियुक्त गर्नुभएको छ । (केशव प्रसाद घिमिरे) उपसचिव

आज मिति २०७४ साल जेठ ४ गते बिहीबारका दिन सम्माननीय राष्ट्रपति श्रीमती विद्यादेवी भण्डारीज्यूले नेपालको संविधानको धारा २८२ को उपधारा (१) बमोजिम मन्त्रिपरिषद्को सिफारिसमा मुलखर्क-५, संखुवासभा निवासी श्री लक्की शेर्पालाई अष्ट्रेलियाका लागि नेपाली राजदूत पदमा नियुक्त गर्नुभएको छ । (मोहनप्रसाद वाग्ले) प्रवक्ता

आज मिति २०७४ साल जेठ ३ गते बुधबारका दिन  सम्माननीय राष्ट्रपति  श्रीमती विद्यादेवी भण्डारीज्यूले नेपाली सेनाका प्रधान सेनापति महारथी श्री राजेन्द्र क्षत्री संयुक्त राज्य अमेरिकाको अलास्का, US PACOM तथा USARPAC को भ्रमण र सो पश्चात हवाईको होनोलुलुमा सञ्चालन हुने The 2017 Land Forces of the Pacific (LANPAC) Conference मा सहभागी हुन मिति २०७४/०२/०३ गते संयुक्त राज्य अमेरिकातर्फ प्रस्थान गरी मिति २०७४/०२/१२ मा स्वदेश फर्कनु हुने भएकोले प्रधान सेनापतिको अनुपस्थिति अवधिभर सैनिक ऐन, २०६३ को दफा ८ को उपदफा (३) बमोजिम मन्त्रिपरिषद्को सिफारिसमा नेपाली सेनाका व्य.नं. ११८१ बलाधिकृत रथी बलदेवराज महतलाई कायममुकायम प्रधान सेनापति तोक्नु भएको छ। (केशव  प्रसाद घिमिरे) उपसचिव

आज मिति २०७४ साल बैशाख २९ गते शुक्रबारका दिन सम्माननीय राष्ट्रपति श्रीमती विद्यादेवी भण्डारीज्यूले नेपालको संविधानको धारा २८२ को उपधारा (१) बमोजिम मन्त्रिपरिषद्को सिफारिसमा ब्राजिलका लागि नेपाली राजदूत पदमा कार्यरत श्री ताराप्रसाद पोखरेललाई चिली र पाराग्वेका लागि समेत गैरआवासीय नेपाली राजदूत पदमा र पौवागढी-८, बझाङ्ग निवासी श्री अर्जुन जङ्ग बहादुर सिंहलाई गणतन्त्र दक्षिण कोरियाका लागि नेपाली राजदूत पदमा नियुक्त गर्नुभएको छ । (प्रल्हाद प्रसाद पुडासैनी) सहायक प्रवक्ता

आज मिति २०७४ साल बैशाख २८ गते बिहीबारका दिन सम्माननीय राष्ट्रपति श्रीमती विद्यादेवी भण्डारीज्यूले नेपालको संविधानको धारा २८२ को उपधारा (१) बमोजिम मन्त्रिपरिषद्को सिफारिसमा जर्मनीका लागि नेपाली राजदूत पदमा कार्यरत श्री रमेश प्रसाद खनाललाई हंगेरीका लागि समेत गैरआवासीय नेपाली राजदूत पदमा र कुर्घा-३, पर्वत निवासी श्री युवनाथ लम्साललाई डेनमार्कका लागि नेपाली राजदूत पदमा नियुक्त गर्नुभएको छ । (केशवप्रसाद घिमिरे) उपसचिव