विज्ञप्ति सम्माननीय राष्ट्रपति श्रीमती विद्यादेवी भण्डारीज्यूबाट नेपालको संविधानको धारा ८६ को उपधारा (२) को खण्ड (ख) बमोजिम नेपाल सरकारको सिफारिसमा श्री नारायण प्रसाद दाहाल, चितवनलाई राष्ट्रिय सभा सदस्यमा मनोनीत गर्नु भएको छ । २०७८ साल चैत २५ गते शुक्रबार । (सागर आचार्य) प्रवक्ता
विज्ञप्ति सम्माननीय राष्ट्रपति श्रीमती विद्यादेवी भण्डारीज्यूसमक्ष सर्वोच्च अदालतका सम्माननीय कायम मुकायम प्रधान न्यायाधीश तथा न्याय परिषद् एवं न्याय सेवा आयोगका अध्यक्ष श्री दीपककुमार कार्कीज्यूबाट नेपालको संविधानको धारा १३८ बमोजिम सर्वोच्च अदालत, न्याय परिषद् र न्याय सेवा आयोगको आर्थिक वर्ष २०७७/०७८ को वार्षिक प्रतिवेदन पेश गर्नु भयो । २०७८ साल चैत २५ गते शुक्रबार । (सागर आचार्य) प्रवक्ता
विज्ञप्ति सम्माननीय राष्ट्रपति श्रीमती विद्यादेवी भण्डारीज्यू समक्ष नवनियुक्त माननीय मन्त्री श्री गोविन्द प्रसाद शर्मा (कोइराला) ज्यूले राष्ट्रपति भवनमा आयोजित विशेष समारोहमा नेपालको संविधानको धारा ८० बमोजिम मन्त्री पदको पद तथा गोपनीयताको शपथ लिनु भएको छ । २०७८ साल चैत २४ गते बिहीबार । (केशव प्रसाद घिमिरे) सहायक प्रवक्ता
विज्ञप्ति सम्माननीय राष्ट्रपति श्रीमती विद्यादेवी भण्डारीज्यूले सम्माननीय प्रधानमन्त्री श्री शेरबहादुर देउवाज्यूको नेतृत्वमा मिति २०७८/३/२९ गते गठित मौजुदा मन्त्रिपरिषद्मा नेपालको संविधानको ७८ को उपधारा (१) बमोजिम सम्माननीय प्रधानमन्त्रीज्यूको सिफारिसमा श्री गोविन्द प्रसाद शर्मा (कोइराला) लाई मन्त्री पदमा नियुक्त गरी कानून, न्याय तथा संसदीय मामिला मन्त्रालयको कार्यभार सम्हाल्ने गरी र कानून, न्याय तथा संसदीय मामिला मन्त्रालयको कार्यभार सम्हाल्दै आउनुभएका माननीय मन्त्री श्री दिलेन्द्रप्रसाद बडूलाई हाल सम्माननीय प्रधानमन्त्रीज्यूले सम्हाली आउनुभएको उद्योग, वाणिज्य तथा आपूर्ति मन्त्रालयको कार्यभार सम्हाल्ने गरी नियुक्ति एवं कार्यभार तोक्नु भएको छ । २०७८ साल चैत २४ गते बिहीबार । (केशव प्रसाद घिमिरे) सहायक प्रवक्ता
विज्ञप्ति सम्माननीय राष्ट्रपति श्रीमती विद्यादेवी भण्डारीज्यूले नेपालको संविधानको धारा ११४ को उपधारा (१) बमोजिम नेपाल सरकार, मन्त्रिपरिषद्को सिफारिसमा देहाय बमोजिमका अध्यादेशहरू जारी गर्नु भएको छः क्र.सं. अध्यादेशको नाम १. यौन हिंसा विरूद्धका केही ऐनलाई संशोधन गर्ने अध्यादेश, २०७८ २. फौजदारी कसूर तथा फौजदारी कार्यविधि सम्बन्धी केही ऐनलाई संशोधन गर्ने अध्यादेश, २०७८ ३. सामाजिक सुरक्षा (पहिलो संशोधन) अध्यादेश, २०७८ ४. तेजाब तथा अन्य घातक रासायनिक पदार्थ (नियमन) अध्यादेश, २०७८ ५. नेपाल प्रहरी र प्रदेश प्रहरी (कार्य सञ्चालन, सुपरिवेक्षण र समन्वय) (पहिलो संशोधन) अध्यादेश, २०७८ २०७८ साल चैत्र २२ गते मंगलबार । (केशव प्रसाद घिमिरे) सहायक प्रवक्ता
विज्ञप्ति सम्माननीय राष्ट्रपति श्रीमती विद्यादेवी भण्डारीज्यूबाट सम्माननीय प्रधानमन्त्री श्री शेरबहादुर देउवाज्यू मित्रराष्ट्र भारतको औपचारिक भ्रमणका लागि सम्वत् २०७८ साल चैत्र १८ गते शुक्रबार मित्रराष्ट्र भारततर्फ प्रस्थान गर्नुहुने भएकोले वहाँको अनुपस्थितिमा प्रधानमन्त्रीले गर्नुहुने दैनिक प्रशासनिक कार्य नेपालको संविधानबमोजिम सम्माननीय प्रधानमन्त्रीज्यूको सिफारिसमा माननीय गृहमन्त्री श्री बालकृष्ण खाँणज्यूले सम्हाल्ने गरी तोक्नुभएको छ । २०७८ साल चैत १८ गते शुक्रबार । (सागर आचार्य) प्रवक्ता
माननीय प्रतिनिधि सभाका सदस्यहरू, माननीय प्रदेशसभाका सदस्यहरू‚ नगर प्रमुख तथा स्थानीय जनप्रतिनिधिहरू, मन्दिर व्यवस्थापन समितिका पदाधिकारी एवं सदस्यहरू, राष्ट्रसेवक कर्मचारीहरू‚ सञ्चारकर्मीहरू‚ उपस्थित भद्रमहिला तथा सज्जनवृन्द । सांस्कृतिक तथा पुरातात्विक सम्पदाले सम्पन्न नमोबुद्ध नगरपालिकामा पुनर्निर्मित ऐतिहासिक काली मन्दिरको उद्घाटन समारोह आयोजना गरी तपाईँहरूसँग अन्तरक्रिया गर्ने यो अवसरका लागि म सम्पूर्ण नगरपालिका परिवारलाई धन्यवाद दिन चाहान्छु । विश्व शान्तिका प्रवर्तक भगवान बुद्धको नामबाट सुशोभित भएको यस नगरपालिकाले आफ्नो सांस्कृतिक तथा ऐतिहासिक गौरव कायम राख्न पहल गर्दै आएकोमा पनि म सराहना गर्दछु । विक्रम संवत् २०७२ सालको विनाशकारी भूकम्पका कारण क्षतिग्रस्त काली मन्दिरको पुनर्निर्माण गरी संरक्षण तथा संवर्द्धन गर्न नगरपालिकाले देखाएको अग्रसरता प्रशंसनीय Read More …
विज्ञप्ति सम्माननीय राष्ट्रपति श्रीमती विद्यादेवी भण्डारीज्यूबाट नेपालको संविधानको धारा १२९ को उपधारा (२) बमोजिम न्याय परिषद्को सिफारिसमा देहाय बमोजिमका मुख्य न्यायाधीशलाई सर्वोच्च अदालतको न्यायाधीश पदमा नियुक्ति गर्नुभएको छ । नाम, थर र वतन हाल कार्यरत पद र अदालत नियुक्ति गरिएको पद र अदालत श्री तिलप्रसाद श्रेष्ठ मुख्य न्यायाधीश, उच्च अदालत, विराटनगर न्यायाधीश, सर्वोच्च अदालत २०७८ साल चैत १५ गते मंगलबार । (सागर आचार्य) प्रवक्ता
माननीय प्रदेश प्रमुख‚ माननीय मुख्य मन्त्री‚ माननीय प्रदेशसभाका सभामुख‚ प्रतिनिधिसभा तथा राष्ट्रियसभाका माननीय सांसदहरू‚ पूर्व मन्त्रीहरू, उच्च अदालत‚ पोखराका मुख्य न्यायधीश‚ माननीय प्रदेश सांसदहरू‚ पोखरा महानगरपालिकाका प्रमुख तथा उप–प्रमुख, राष्ट्रसेवक कर्मचारीहरू‚ सञ्चारकर्मीहरू‚ उपस्थित भद्रमहिला तथा सज्जनवृन्द । पोखरा महानगरपालिकाद्वारा आयोजित ‘न्यायिक समितिको असल अभ्यास, समस्या र चुनौती’ विषयक राष्ट्रिय सम्मेलन सफलताको लागि म शुभकामना व्यक्त गर्दछु । यस ऐतिहासिक कार्यक्रममा सहभागी भई विचार आदानप्रदान गर्ने अवसरका लागि कार्यक्रमका आयोजक र सहभागीप्रति हार्दिक आभार प्रकट गर्दछु । सुन्दर नगरी पोखरामा आयोजित विभिन्न कार्यक्रमहरूमा मैले धेरैपल्ट सहभागी हुने अवसर पाएको छु । प्रकृतिको अनुपम छटाद्वारा सजिएको यस नगरमा हरेक पटक आउँदा मेरो Read More …
माननीय परराष्ट्र मन्त्री‚ गैरआवासीय नेपाली संघका कार्य समितिका पदाधिकारीहरू‚ यस सम्मेलनमा भाग लिन आउनुभएका प्रतिनिधिहरू‚ भद्र महिला तथा सज्जन वृन्द । विश्वका विभिन्न मुलुकमा बसोबास गर्दै आउनु भएका नेपाली दाजुभाइ तथा दिदीबहिनीहरूलाई मातृभूमिमा स्वागत गर्न पाउँदा मलाई खुसी लागेको छ । यस अवसरमा म दसौँ गैरआवासीय नेपाली विश्व सम्मेलनको पूर्ण सफलताको कामना गर्दछु । विदेशमा रहेर पनि तपाईंहरूले मातृभूमिप्रति दर्शाउनु भएको अपनत्व र माया प्रशंसनीय रहेको छ । तपाईंहरूको यस सद्भावलाई राष्ट्रले उच्च मुल्याङ्कन गरेको छ र भविष्यमा पनि गर्दै जाने मैले विश्वास लिएको छु । विदेशमा बसोबास गर्ने नेपाली समुदायको हितलाई प्रवर्द्धन गर्ने, राष्ट्रिय छवि निर्माण गर्ने र नेपालको Read More …
