महिना: सेप्टेम्बर 2018

आज मिति २०७५ साल भाद्र २५ गते सोमबारका दिन सम्माननीय राष्ट्रपति श्रीमती विद्यादेवी भण्डारीज्यूले नेपालको संविधानको धारा १२९ को उपधारा (२) बमोजिम संवैधानिक परिषद्को सिफारिसमा सर्वोच्च अदालतका माननीय न्यायाधीश श्री ओमप्रकाश मिश्रज्यूलाई नेपालको प्रधान न्यायाधीश पदमा नियुक्त गर्नुभएको छ । राष्ट्रपतिको कार्यालयमा आयोजित एक विशेष समारोहमा आजै सम्माननीय राष्ट्रपतिज्यूसमक्ष नवनियुक्त सम्माननीय प्रधान न्यायाधीश श्री ओमप्रकाश मिश्रज्यूले सर्वोच्च अदालत ऐन, २०४८ को दफा ८ बमोजिम आफ्नो पदको पद तथा गोपनीयताको शपथ ग्रहण गर्नुभएको छ । उक्त समारोहमा सम्माननीय उपराष्ट्रपतिज्यू, सम्माननीय प्रधानमन्त्रीज्यू, माननीय मन्त्रीज्यूहरु, सर्वोच्च अदालतका माननीय न्यायाधीशहरु, न्यायपरिषदका माननीय सदस्यहरु, संवैधानिक निकायका प्रमुखज्यूहरु, नेपाल सरकारका उच्चपदस्थ पदाधिकारीहरु, सुरक्षा निकायका प्रमुखहरु लगायत Read More …

आज मिति २०७५ साल भाद्र  २४ गते आइतबारका दिन सम्माननीय राष्ट्रपति श्रीमती विद्यादेवी भण्डारीज्यूले राष्ट्रपतिको कार्यालयमा आयोजित एक विशेष समारोहमा नवनियुक्त प्रधान सेनापति महारथी श्री पूर्णचन्द्र थापाज्यूलाई नेपाली सेनाको प्रधान सेनापति पदको दर्ज्यानी चिन्ह प्रदान गर्नु  भयो । साथै, सम्माननीय राष्ट्रपतिज्यू समक्ष नवनियुक्त प्रधान सेनापति महारथी श्री पूर्णचन्द्र थापाज्यूले सैनिक ऐन, २०६३ को दफा ९ को उपदफा (२) बमोजिम आफ्नो पदको पद तथा गोपनीयताको शपथ ग्रहण गर्नुभएको छ । उक्त समारोहमा सम्माननीय उपराष्ट्रपतिज्यू, सम्माननीय प्रधानमन्त्रीज्यू, माननीय उपप्रधानमन्त्री तथा रक्षा मन्त्रीज्यू, माननीय गृह मन्त्रीज्यू, नेपाल सरकारका उच्चपदस्थ पदाधिकारीहरु, सुरक्षा निकायका प्रमुखहरु लगायत अन्य विशिष्ट महानुभावहरुको उपस्थिति रहेको थियो ।     Read More …

आज मिति २०७५ साल भाद्र २१ गते बिहीबारका दिन राष्ट्रपति भवन, शीतलनिवासमा आयोजित एक समारोहमा सम्माननीय राष्ट्रपति श्रीमती विद्यादेवी भण्डारीज्यूसमक्ष भाषा आयोगका माननीय अध्यक्ष डा. लवदेव अवस्थीज्यूद्वारा भाषा आयोग ऐन, २०७४ को दफा २१ बमोजिम भाषा आयोगको आर्थिक वर्ष २०७४/०७५ को वार्षिक प्रतिवेदन पेश गर्नु भयो । उक्त प्रतिवेदन ग्रहण गर्दै सम्माननीय राष्ट्रपतिज्यूबाट नेपालमा बोलिने सबै भाषाहरुको सम्बर्द्धन, संरक्षण, अनुसन्धान र विकासमा सम्बद्ध सबै पक्षहरुले उचित ध्यान दिनुपर्ने विचार व्यक्त गर्नुभयो । उक्त कार्यक्रममा माननीय शिक्षा, विज्ञान तथा प्रविधि मन्त्री श्री गिरिराजमणि पोखरेलज्यू लगायत उच्च सरकारी पदाधिकारीहरुको समेत उपस्थिति रहेको थियो ।    (छविन्द्र पराजुली) प्रवक्ता

आज मिति २०७५ साल भदौ १६ गते शनिबारका दिन राष्ट्रपति भवन, शीतलनिवासमा सम्माननीय राष्ट्रपति श्रीमती विद्यादेवी भण्डारीज्यू र प्रजातान्त्रिक समाजवादी गणतन्त्र श्रीलंकाका महामहिम राष्ट्रपति Mr. Maithripala Sirisena बीच भेटवार्ता भयो । सो अवसरमा दुई देशबीच रहिआएको मैत्रीपूर्ण सम्बन्ध,  आपसी हित र चासोका विविध विषयमा छलफल हुनुका साथै हालै सम्पन्न चौथो बिम्स्टेक (BIMSTEC) शिखर सम्मेलनका विषयमा समेत कुराकानी भयो । सम्वत् २०७२ सालको विनाशकारी भूकम्पले क्षति पुर्‍याएको संरचनाको पुनर्निर्माणमा सहयोग पुर्‍याएकोमा सम्माननीय राष्ट्रपतिज्यूबाट श्रीलंका सरकारलाई हार्दिक धन्यवाद दिनुभयो । साथै, दुबै मुलुकको आपसी सम्बन्धलाई थप मजबुत तुल्याउने तथा द्विपक्षीय व्यापार, पर्यटन, लगानी र निजी क्षेत्रबीचको सम्बन्धलाई सक्रिय पार्ने जस्ता विषयमा समेत Read More …