महिना: अप्रिल 2019

आज मिति २०७६ साल बैशाख २ गते सोमबारका दिन राष्ट्रपति भवन, शीतलनिवासमा आयोजित एक समारोहमा सम्माननीय राष्ट्रपति श्रीमती विद्यादेवी भण्डारीज्यूसमक्ष सम्माननीय प्रधानमन्त्री श्री के.पी. शर्मा ओलीज्यूबाट राज्यका निर्देशक सिद्धान्त, नीति र दायित्व कार्यान्वयनका सम्बन्धमा आर्थिक वर्ष २०७४/०७५ मा नेपाल सरकारले गरेका काम र प्राप्त उपलब्धिसहितको वार्षिक प्रतिवेदन नेपालको संविधानको धारा ५३ बमोजिम पेश गर्नुभयो । उक्त अवसरमा सम्माननीय राष्ट्रपतिज्यूले “समृद्ध नेपाल सुखी नेपाली” को साझा संकल्प साकार पार्न नेपाल सरकार अघि बढिरहेको परिप्रेक्ष्यमा यो महान लक्ष्य हासिल गर्न राज्यका सम्पूर्ण अङ्ग र निकायहरुलाई थप सशक्त ढंगले क्रियाशिल हुनुपर्ने कुरा बताउनु भयो । सो समारोहमा माननीय उपप्रधानमन्त्री एवम् रक्षा मन्त्री श्री Read More …

आज मिति २०७६ साल बैशाख १ गते आइतबारका दिन सम्माननीय राष्ट्रपति श्रीमती विद्यादेवी भण्डारीज्यूले नेपालको संविधानको धारा २७७ को उपधारा (१) बमोजिम नेपाल सरकार, मन्त्रिपरिषद्को सिफारिसमा संविधान दिवस, २०७५ को अवसरमा घोषणा भएको समाजका विभिन्न क्षेत्रमा उल्लेखनीय योगदान पुर्‍याउनु भएका महानुभावहरुलाई राष्ट्रपति भवन, शीतलनिवासमा आयोजित विशेष समारोहकाबीच नेपाल रत्न,  महाउज्ज्वल राष्ट्रदीप, सुप्रसिद्ध प्रवल जनसेवाश्री, उज्ज्वल कीर्तिमय राष्ट्रदीप, सुकीर्तिमय राष्ट्रदीप, सुप्रवल जनसेवाश्री, कीर्तिमय राष्ट्रदीप, प्रबल जनसेवाश्री र जनसेवाश्री मानपदवीबाट विभूषित गर्नु भएको छ ।   (छविन्द्र पराजुली) प्रवक्ता

आज मिति २०७५ साल चैत्र २९ गते शुक्रबारका दिन राष्ट्रपति भवन, शीतलनिवासमा आयोजित एक समारोहकाबीच सम्माननीय राष्ट्रपति श्रीमती विद्यादेवी भण्डारीज्यूसमक्ष माननीय महालेखापरीक्षक श्री टंकमणि शर्मा, दंगालले नेपालको संविधानको धारा २९४ को उपधारा (१) बमोजिम आर्थिक वर्ष २०७४/०७५ को महालेखापरीक्षकको छपन्नौं वार्षिक प्रतिवेदन पेश गर्नुभएको छ । (छविन्द्र पराजुली) प्रवक्ता

आज मिति २०७५ साल चैत्र २६ गते मंगलबारका दिन सम्माननीय राष्ट्रपति श्रीमती विद्यादेवी भण्डारीज्यूको समुपस्थितिमा वन तथा वातावरण मन्त्रालयले पोल्याण्डको क्याटोविचमा सम्पन्न भएको जलवायु परिवर्तन सम्बन्धी संयुक्त राष्ट्र संघीय संरचना महासन्धी (UNFCCC) को २४ औं सम्मेलन (COP 24) ले गरेका निर्णयहरु र सो सन्दर्भमा नेपालको सहभागिता र उपलब्धीका विषयमा प्रस्तुतिकरण भयो । साथै, आगामी दिनमा जलवायु परिवर्तन, वातावरण संरक्षण एवम् सो संग सम्बन्धित विषयमा लिनु पर्ने रणनीति र भावि कार्यक्रमका बारेमा समेत छलफल भयो । सो अवसरमा माननीय वन तथा वातावरण मन्त्री श्री शक्ति बहादुर बस्नेत लगायत उच्च पदस्थ पदाधिकारीहरुको उपस्थिति थियो ।   (छविन्द्र पराजुली) प्रवक्ता