बकर ईद (इदुल जोहा) पर्वको शुभकामना सन्देश
ईस्लाम धर्मावलम्बीहरूको महान पर्व बकर ईद (इदुल जोहा) को शुभ-अवसरमा स्वदेश तथा विदेशमा रहनुभएका सम्पूर्ण ईस्लाम धर्मावलम्बी नेपाली दाजुभाइ तथा दिदीबहिनीहरूमा सुख, शान्ति, समृद्धि तथा सुस्वास्थ्यको हार्दिक शुभकामना व्यक्त गर्दछु ।
यस पर्वले विविधतायुक्त नेपाली समाजमा आपसी सद्भाव, सहिष्णुता, मेलमिलाप र भ्रातृत्व अभिबृद्धि गरी आफ्नो मौलिक संस्कृति र परम्परा संरक्षण तथा सम्बर्द्धनमा महत्वपूर्ण योगदान पुर्याउने विश्वास लिएको छु । हाम्रो साझा साँस्कृतिक धरोहरका रूपमा रहेका असल परम्पराहरूको संरक्षण तथा सम्बर्द्धनले पर्यटन प्रबर्द्धनमा सघाउ पुग्न गई समृद्ध नेपाल सुखी नेपालीको राष्ट्रिय संकल्प हासिल गर्न मद्दत पुग्नेमा म विश्वस्त छु ।
अन्तमा, बकर ईद पर्वले राष्ट्रिय एकता र सामाजिक सद्भाव सुदृढ तुल्याउँदै दीगो शान्ति कायम राख्न सकोस् भनी सबैमा हार्दिक शुभकामना व्यक्त गर्दछु ।
धन्यवाद !
२०७६ श्रावण २७ गते, सोमबार ।
