किराँत धर्मावलम्बीहरुको पवित्र एवं महान उभौली पर्वका अवसरमा सम्पूर्ण स्वदेश तथा विदेशमा रहनु भएका नेपाली किराँत धर्मावलम्बी दाजुभाई तथा दिदीबहिनीहरुमा सुख, शान्ति, सुस्वास्थ्य तथा समृद्धिका लागि हार्दिक शुभकामना व्यक्त गर्दछु ।
हाम्रो देश नेपालको मौलिक र विशिष्ट संस्कृतिसहितको समुदाय किराँतको उभौली पर्वले नेपालीहरुबीच आपसी सद्भाव, भातृत्व र सहिष्णुता कायम गर्दै सामाजिक एकता, शान्ति र मेलमिलापको वातावरण अभिवृद्धि गर्न प्रेरणा प्रदान गर्नेछ भन्ने मैले अपेक्षा लिएको छु । साथै हामीबीच सामाजिक, साँस्कृतिक, भाषिक र जातीय विविधताबीच अनुपम एकता छ र यो सदा अक्षुण्ण रहने छ भन्ने विश्वास लिएको छु ।
आर्थिक समृद्धि, सामाजिक विकास, दिगो शान्ति, सुशासनतर्फ अग्रसर वर्तमान अवस्थामा सबै समुदायका नेपालीहरुमा राष्ट्रलाई एकता, सहिष्णुता र सद्भाव कायम गरी समृद्ध र विकसित समाज निर्माण गर्न यस महान पर्वले थप प्रेरणा प्रदान गरोस् भन्ने कामना गर्दछु ।
धन्यवाद !
२०७५ बैशाख १७ गते सोमवार ।