मौजुदा मन्त्रिपरिषद्‍ नियुक्ति, हेरफेर र कार्यविभाजन

सम्माननीय राष्ट्रपति श्रीमती विद्यादेवी भण्डारीज्यूले सम्माननीय प्रधानमन्त्री श्री केपी शर्मा ओलीज्यूको नेतृत्वमा मिति २०७८/१/३१ गते गठित मौजुदा मन्त्रिपरिषद्‍मा नेपालको संविधान बमोजिम सम्माननीय प्रधानमन्त्रीज्यूको सिफारिसमा देहाय बमोजिमको नियुक्ति, हेरफेर र कार्यविभाजन गरी मन्त्रिपरिषद् गठन गर्नुभएको छ ।

क्र.सं.	नाम, थर	पदनाम	कार्यविभाजन
1.	श्री केपी शर्मा ओली	प्रधानमन्त्री	उद्योग, बाणिज्य तथा आपूर्ति; कृषि तथा पशुपन्छी विकास; गृह; रक्षा;  वन तथा वातावरण; सङ्‍घीय मामिला तथा सामान्य प्रशासन र सञ्चार तथा सूचना प्रविधि
2.	श्री विष्णुप्रसाद पौडेल	उपप्रधानमन्त्री	अर्थ
3.	श्री रघुबीर महासेठ	उपप्रधानमन्त्री	परराष्ट्र
4.	श्री राजेन्द्र महतो	उपप्रधानमन्त्री	शहरी विकास
5.	श्री शरतसिंह भण्डारी	मन्त्री	ऊर्जा, जलस्रोत तथा सिंचाई
6.	श्री कृष्णगोपाल श्रेष्ठ	मन्त्री	शिक्षा, विज्ञान तथा प्रविधि
7.	श्री अनिलकुमार झा	मन्त्री	खानेपानी
8.	श्री शेरबहादुर तामाङ	मन्त्री	स्वास्थ्य तथा जनसङ्ख्या
9.	श्री लक्ष्मणलाल कर्ण	मन्त्री	भूमि व्यवस्था, सहकारी तथा गरिबी निवारण
10.	श्री बसन्तकुमार नेम्वाङ	मन्त्री	भौतिक पूर्वाधार तथा यातायात
11.	श्री लिलानाथ श्रेष्ठ	मन्त्री	कानून, न्याय तथा संसदीय मामिला
12.	श्री बिमलप्रसाद श्रीवास्तव	मन्त्री	श्रम, रोजगार तथा सामाजिक सुरक्षा
13.	श्री उमाशंकर अरगरिया	मन्त्री	संस्कृति, पर्यटन तथा नागरिक उड्डयन
14.	श्री चन्दा चौधरी	मन्त्री	महिला, बालबालिका तथा ज्येष्ठ नागरिक
15.	श्री एकवाल मियाँ	मन्त्री	युवा तथा खेलकुद
16.	श्री चन्द्रकान्त चौधरी	राज्यमन्त्री	ऊर्जा, जलस्रोत तथा सिंचाई
17.	श्री रेणुका गुरूङ	राज्यमन्त्री	महिला, बालबालिका तथा ज्येष्ठ नागरिक

आजै राष्ट्रपति भवनमा आयोजित विशेष समारोहमा सम्माननीय राष्ट्रपति श्रीमती विद्यादेवी भण्डारीज्यूसमक्ष नवनियुक्त माननीय उपप्रधानमन्त्रीज्यूहरू तथा नवनियुक्त माननीय मन्त्रीज्यूहरूले नेपालको संविधानको धारा ८० बमोजिम मन्त्री पदको पद तथा गोपनीयताको शपथ लिनु भएको छ ।

साथै, सम्माननीय प्रधानमन्त्री श्री केपी शर्मा ओलीज्यूसमक्ष नवनियुक्त माननीय राज्यमन्त्रीज्यूहरूले नेपालको संविधानको धारा ८० बमोजिम राज्यमन्त्री पदको पद तथा गोपनीयताको शपथ लिनु भएको छ ।

(केशव प्रसाद घिमिरे)

सहायक प्रवक्ता