सम्माननीय राष्ट्रपति श्रीमती विद्यादेवी भण्डारीज्यूले नवनियुक्त प्रधान सेनापति महारथी श्री प्रभुराम शर्माज्यूलाई राष्ट्रपतिको कार्यालयमा आयोजित विशेष समारोहमा नेपाली सेनाको प्रधान सेनापति पदको दर्ज्यानी चिन्ह प्रदान गर्नु भयो । साथै सम्माननीय राष्ट्रपतिज्यू समक्ष नवनियुक्त प्रधान सेनापति महारथी श्री प्रभुराम शर्माज्यूले सैनिक ऐन, २०६३ को दफा ९ को उपदफा (२) बमोजिम आफ्नो पदको पद तथा गोपनीयताको शपथ ग्रहण गर्नुभएको छ ।
२०७८ साल भाद्र २४ गते बिहीबार
(जगन्नाथ पन्त)
प्रवक्ता
