महान पर्व “तमूल्होसार” का अवसरमा स्वदेश तथा विदेशमा रहनुभएका सम्पूर्ण नेपाली तमू गुरुङ्ग समुदायहरुमा सुख, शान्ति, समृद्धि, सुस्वास्थ्य तथा उत्तरोत्तर प्रगतिका लागि हार्दिक मंगलमय शुभकामना व्यक्त गर्दछु ।
नेपालमा विभिन्न जातजातिले मनाउने विभिन्न चाडपर्वहरुले विश्वमा नेपालको छुट्टै पहिचान बनाएका छन् भने तमू ल्होसार जस्ता राष्ट्रिय पर्वहरुले हिमाल, पहाड, तराइ र मधेसमा बस्ने सबै नेपालीबीच वन्धुत्व र एकताको भावना वढाउन मद्दत गरेका छन् । नेपालका अमूल्य गहनाका रुपमा मनाइने यस प्रकारका संस्कृति, चाडपर्व तथा धार्मिक रितिरिवाजको संरक्षण र सम्वर्द्धन गर्न सकेमा यिनीहरुले सदियौ सम्म नेपालको चिनारी विश्व सामु गर्नमा मद्दत गर्ने छन् भन्ने मलाइ लागेको छ ।
अन्तमा, तमू गुरुङ्ग समुदायको यस पर्वले सबैमा उत्साह र उमङ्ग कायम गरी नेपालीबीच आपसी सहिष्णुता कायम गर्दै आर्थिक र सामाजिक रुपले समृद्ध मुलुकको निर्माण गर्न सबैमा प्रेरणा मिलोस् भन्ने कामना गर्दछु ।
धन्यवाद !
मिति २०७४ पौष १५ गते शनिबार ।