वर्ग प्रेस विज्ञप्ति

विज्ञप्‍ति सम्माननीय राष्ट्रपति श्री रामचन्द्र पौडेलज्यू समक्ष राष्‍ट्रिय दलित आयोगका माननीय सदस्य श्री टुञ्‍जे कामीले नेपालको संविधानको धारा २५५ को उपधारा (४) को (क) बमोजिम राष्‍ट्रिय दलित आयोगको सदस्य पदबाट मिति २०८३/०२/०१ गतेदेखि लागु हुनेगरी राजिनामा दिनुभएको छ। २०८३ साल जेठ १ गते शुक्रबार। ने.सं. ११४६ वछलागा: त्रयोदशी। (रितेशकुमार शाक्य) प्रवक्ता  

विज्ञप्‍ति सम्माननीय राष्ट्रपति श्री रामचन्द्र पौडेलज्यूले नेपालको संविधानको धारा ७६ को उपधारा (९) बमोजिम संवत् २०८२ साल चैत्र १३ गते गठित मौजुदा मन्त्रिपरिषद्‌मा सम्माननीय प्रधानमन्त्री श्री वालेन्द्र शाहज्यूको सिफारिसमा देहायअनुसार नियुक्ति, हेरफेर र कार्यविभाजन गरी मन्त्रिपरिषद् गठन गर्नुभएको छ। क्र.सं. नाम थर पद कार्यविभाजन १ श्री वालेन्द्र शाह प्रधानमन्त्री रक्षा; गृह; विज्ञान, प्रविधि तथा नवप्रवर्तन २ डा. स्वर्णिम वाग्ले मन्त्री अर्थ ३ श्री शिशिर खनाल मन्त्री परराष्ट्र ४ श्री बिराज भक्त श्रेष्‍ठ मन्त्री ऊर्जा, जलस्रोत तथा सिँचाइ ५ श्री सुनिल लम्साल मन्त्री पूर्वाधार विकास ६ श्री सोविता गौतम मन्त्री कानून, न्याय तथा संसदीय मामिला ७ श्री सीता बादी मन्त्री महिला, बालबालिका, लैङ्गिक Read More …

विज्ञप्‍ति सम्माननीय राष्ट्रपति श्री रामचन्द्र पौडेलज्यूले प्रतिनिधि सभाका सम्माननीय सभामुखज्यूको सिफारिसमा नेपालको संविधानको धारा १०६ को उपधारा (१) बमोजिम श्री प्रकाश अधिकारी, संखुवासभालाई सङ्घीय संसद, प्रतिनिधि सभाको सचिव पदमा नियुक्त गर्नुभएको  छ। २०८३ साल वैशाख ३० गते बुधबार। ने.सं. ११४६ वछलागा: एकादशी। (रितेशकुमार शाक्य) प्रवक्ता

विज्ञप्‍ति सम्माननीय राष्‍ट्रपति श्री रामचन्द्र पौडेलज्यूले सम्माननीय सभामुख श्री डोल प्रसाद अर्यालको मिति २०८३/०१/२८ गतेको सिफारिसमा सङ्घीय संसद्का महासचिव, प्रतिनिधिसभाका सचिव तथा राष्‍ट्रियसभाका सचिवको पारिश्रमिक, सेवाको शर्त र सुविधा सम्बन्धी ऐन, २०७५ को दफा ६ को खण्ड (ङ) बमोजिम श्री हर्कराज राईलाई मिति २०८३/०१/२९ गतेदेखि प्रतिनिधिसभाको सचिवको पदबाट हटाउनु भएको छ। २०८३ साल वैशाख २९ गते मङ्‌गलबार। ने.सं. ११४६ वछलागा: दशमी। (रितेशकुमार शाक्य) प्रवक्ता

विज्ञप्ति सम्माननीय राष्‍ट्रपति श्री रामचन्द्र पौडेलज्यूले नेपालको संविधानको धारा ९३ को उपधारा (१) बमोजिम नेपाल सरकार, मन्त्रिपरिषद्को मिति २०८३/०१/२२ को सिफारिसमा संवत् २०८३ साल वैशाख २८ गते सोमबारका दिन १४:०० बजे संघीय संसद भवन, सिंहदरबारमा संघीय संसदको दुवै सदनको अधिवेशन आह्‍वान गर्नुभएको छ । २०८३ साल वैशाख २२ गते मङ्‌गलबार । ने.सं. ११४६ वछलागा: चतुर्थी ।

विज्ञप्‍ति सम्माननीय राष्‍ट्रपति श्री रामचन्द्र पौडेलज्यूले नेपालको संविधान बमोजिम यस अघि संवैधानिक परिषद् (काम, कर्तब्य, अधिकार र कार्यविधी) सम्बन्धी ऐन, २०६६ लाई संशोधन गर्न बनेको विधेयक प्रमाणीकरणका लागि  मिति २०८२।०३।२५ मा पेश भएकोमा सन्देशसहित उक्त विधेयक फिर्ता पठाईएको, तत्कालीन मन्त्रिपरिषद्को मिति २०८२।०८।०२ को निर्णयबमोजिम प्राप्त भएको संवैधानिक परिषद् (काम, कर्तब्य, अधिकार र कार्यविधी) (पहिलो संशोधन) अध्यादेश, २०८२ जारी नभएकोसमेत स्मरण गराउँदै सम्वत् २०८३।०१।१४ गतेको नेपाल सरकार, मन्त्रिपरिषद्को निर्णयबमोजिम सिफारिस भई आएको संवैधानिक परिषद् (काम, कर्तब्य, अधिकार र कार्यविधी) (पहिलो संशोधन) अध्यादेश, २०८३ को विषयबस्तुका सन्दर्भमा पुनर्विचार गर्न पठाउनु भएको छ। २०८३ साल वैशाख २० गते आइतबार। ने.सं. ११४६ वछलागा: द्वितीया Read More …