गौरा पर्व, २०७६ को शुभकामना सन्देश
विशिष्ट साँस्कृतिक महत्व बोकेको गौरा पर्वको शुभ अवसरमा स्वदेश तथा विदेशमा रहनुहुने सम्पूर्ण नेपाली दाजुभाइ तथा दिदीबहिनीहरूमा सुख, शान्ति र समृद्धिको हार्दिक शुभकामना व्यक्त गर्दछु ।
हाम्रो समाजमा गौरा पर्वको आफ्नै ऐतिहासिक एवम् पौराणिक महत्व रहेको छ । यस्ता लोक परम्परा एवम् साँस्कृतिक पर्वहरूले विविधतामा एकता, सामाजिक र साँस्कृतिक ऐक्यबद्धता, सहिष्णुता र आपसी सद्भाव अभिवृद्धि गरी राष्ट्रिय एकता सुदृढ पार्न सहयोग पुर्याउँदै आएका छन् ।
अन्तमा, गौरा पर्वले नेपाली मौलिक संस्कृतिको संरक्षणमा थप योगदान गर्दै सबैमा उत्साह एवं उमंग जागृत गर्न सहयोग पुर्याउने विश्वास लिएको छु ।
धन्यवाद !
मिति २०७६ भाद्र ६ गते, शुक्रबार ।
