ईसाई धर्मावलम्बीहरुको महान् पर्व क्रिसमस डेको अवसरमा स्वदेश तथा विदेशमा रहनुभएका सम्पूर्ण ईसाई धर्मावलम्बी नेपालीहरुमा सुस्वास्थ्य, सुख, शान्ति, समृद्धि तथा उत्तरोत्तर प्रगतिको शुभकामना व्यक्त गर्दछु ।
नेपाल वहुभाषिक, वहुजातिय, वहुसांस्कृतिक, वहुधार्मिक विशेषताले भरिएको देश हो । यहाँ मनाइने हरेक चाड पर्वहरु राष्ट्रिय धरोहरका रुपमा रहेका छन् र यी चाडपर्वहरुले विभिन्न जातजाति, धर्म, भाषा र संस्कृतिबीच राष्ट्रिय एकता, धार्मिक सहिष्णुता कायम गर्नमा महत्वपूर्ण भूमिका खेलेका छन् भन्ने मलाई लाग्छ । नेपालीहरुबीच मनाइने यस्ता चाड पर्व, भाषा, धर्म र संस्कृतिको संरक्षण र प्रवर्द्धन गर्ने कार्यमा हामी सबै केन्द्रित हुनुपर्छ भन्ने मलाइ लागेको छ ।
भर्खरै सम्पन्न पहिलो प्रदेश तथा प्रतिनिधि सभाको ऐतिहासिक चुनावमा आम नेपाली मतदाताहरुबाट भएको अभूतपूर्व सहभागिताले संविधान कार्यान्वयनमा ठोस योगदान पुग्ने र यसबाट देशलाई राजनैतिक स्थायित्व प्राप्त हुने विश्वास मैले लिएको छु । आगामी दिनमा हुने नेपालको विकास र समृद्धिमा सबै नेपालीले आ-आफ्नो स्थानबाट सक्दो योगदान गर्न सकेमा नेपालको चौतर्फि प्रगति छिटो हुनेछ भन्ने विश्वास लिदै इसाइ धर्मालम्वीहरुको यस पर्वले सबै नेपालीबीच वन्धुत्व, प्रेम र एकताको भावना वढाइ शान्त समुन्नत नेपाल बनाउन सबैमा प्रेरणा मिलोस् भन्ने कामना गर्दछु ।
धन्यवाद !
मिति २०७४ साल पौष १० गते सोमबार ।