नेपालको किरात जातिहरुको महान पर्व उधौलीको उपलक्ष्यमा स्वदेश तथा विदेशमा रहनुभएका सम्पूर्ण किरात समुदायका नेपाली दिदीबहिनी तथा दाजुभाइहरुमा सुस्वास्थ्य, सुख शान्ति र समृद्धि, आपसी सद्भाव, एकता, भाइचारा एवम् उत्तरोत्तर प्रगतिको लागि हार्दिक शुभकामना व्यक्त गर्दछु ।
नेपालका विभिन्न जातजाति र समुदायहरुले मनाउने चाडपर्वहरुले नेपाललाई साझा फुलवारीको रुपमा सृंगार गर्दै आएका छन् । यहाँ मनाउने उधौली जस्ता चाडपर्वले हाम्रो भौगोलिक, धार्मिक, सांस्कृतिक जातिय र भाषिक विविधतालाई आपसमा गाँसेर सामाजिक सद्भाव, राष्ट्रिय एकता र साझा नेपाली पहिचान कायम गर्नमा महत्वपूर्ण योगदान गरेका छन् ।साथै, यस प्रकारका चाड पर्वहरुले समाजिक एवम् पारिवारीक जमघट गराउने, मनोरञ्जन प्रदान गर्ने र समुदायबीचमा आपसी सद्भाव सुमुधुर बनाउन सहयोग गरेका छन् ।
यो पर्वले नेपालका सवै जातजाती, एकतावद्ध भै आपसी सद्भाव तथा भ्रातृत्व अभिवृद्धि गरी देशको प्रगतिपथमा संलग्न हुने प्रेरणा मिलोस् भन्ने कामना गर्दछु ।
धन्यवाद !
मिति २०७४ मंसिर १७ गते आइतबार ।