विज्ञप्ति
सम्माननीय राष्ट्रपति श्री रामचन्द्र पौडेलज्यूले मौजुदा मन्त्रिपरिषद्का माननीय उपप्रधानमन्त्री एवम् भौतिक पूर्वधार मन्त्री श्री रघुबीर महासेठ, माननीय कानून, न्याय तथा संसदीय मामिला मन्त्री श्री पदम गिरी, माननीय कृषि तथा पशुपन्छी विकास मन्त्री श्री ज्वालाकुमारी साह, माननीय भूमी व्यवस्था, सहकारी तथा गरिबी निवारण मन्त्री श्री बलराम अधिकारी, माननीय उद्योग, वाणिज्य तथा आपूर्ति मन्त्री श्री दामोदर भण्डारी, माननीय महिला, बालबालिका तथा ज्येष्ठ नागरिक मन्त्री श्री भगवती चौधरी, माननीय खानेपानी मन्त्री
श्री राजेन्द्रकुमार राई र माननीय रक्षा मन्त्री श्री हरिप्रसाद उप्रेतिले सम्माननीय प्रधानमन्त्रीज्यू समक्ष नेपालको संविधानको धारा ७७ को उपधारा (२) को खण्ड (क) बमोजिम आ-आफ्नो पदबाट राजिनामा दिनुभएकोले सम्माननीय प्रधानमन्त्री श्री पुष्पकमल दहाल ‘प्रचण्ड’ज्यूको सिफारिसमा उहाँहरूले सम्हाली आएका उक्त मन्त्रालयहरूको कार्यभार प्रधानमन्त्री स्वयमले सम्हाल्ने गरी तोक्नुभयो।
२०८१ साल असार २० गते बिहीबार।
(शैलजा रेग्मी भट्टराई)
प्रवक्ता
