इस्लाम धर्मावलम्बीहरुको महान् इदुल फित्र पर्वका अवसरमा स्वदेश तथा विदेशमा रहनु भएका सम्पूर्ण इस्लाम धर्मावलम्बी दाजुभाइ तथा दिदीबहिनीहरुमा सुख, शान्ति, समृद्धि तथा सुस्वास्थ्यका लागि हार्दिक शुभकामना व्यक्त गर्दछु ।
इस्लाम धर्मावलम्बीमा एक महिना लामो उपवास बसेर आत्मा शुद्धीकरण गर्दै आफन्तहरुबीच खुशी साटासाट गरी विशेष रूपमा यो पर्व मनाउने गरिन्छ। धार्मिक तथा सांस्कृतिक विविधताकाबीच राष्ट्रिय एकता र सहिष्णुताको आदर्श नमुनायुक्त यस किसिमका पर्वहरुले नेपालीहरुकाबीच आपसी सद्भाव थप मजबूत हुने साथै मौलिक संस्कृति र परम्परा संरक्षण तथा सम्बर्द्धनमा महत्वपूर्ण योगदान पुग्नेमा म विश्वस्त छु ।
अन्तमा, यस पर्वले सबै समुदायका नेपालीहरुका बीच राष्ट्रिय एकता, सहिष्णुता र सद्भाव कायम गरी समृद्ध र विकसित समाज निर्माण गर्न प्रेरणा प्रदान गरोस् भन्दै हार्दिक शुभकामना व्यक्त गर्दछु।
धन्यवाद !
मिति २०७६ जेठ २२ गते बुधबार