तमू गुरुङ्ग समुदायको महान पर्व “तमूल्होसार” का अवसरमा स्वदेश तथा विदेशमा रहनुभएका सम्पूर्ण नेपाली तमू गुरुङ्ग समुदायहरुमा सुख, शान्ति, समृद्धि, सुस्वास्थ्य, एवम् उत्तरोत्तर प्रगतिका लागि हार्दिक मंगलमय शुभकामना व्यक्त गर्दछु ।
नेपाल धार्मिक-साँस्कृतिक रुपमा सम्पन्न र समृद्ध मुलुक हो। यहाँ रहेका विविध जात-जाति र तिनका मौलिक धर्म, संस्कृति, कला, रीतिरिवाज, चाडपर्व, जात्रा, दिवस, सांस्कृतिक सम्पदा आदि मुलुकका पहिचान हुन् जसले विश्वसामु नेपालको छुट्टै चिनारी गराएका छन् । ती सम्पदाको यथोचित संरक्षण र सम्बर्द्धन गरी विविधतामा एकता कायम गर्दै राष्ट्रिय एकता, सामाजिक सद्भाव, सहिष्णुता एवम् सामन्जस्यता कायम गर्ने हाम्रो साझा कर्तव्य बनेको छ ।
तमू गुरुङ्ग समुदायको यस पर्वले सबैमा उत्साह र उमङ्ग कायम गरी हाम्रो कला, संस्कृति र परम्पराको संरक्षण एवम् प्रवर्द्धनमा योगदान पुर्याउन सकोस् तथा सबै नेपालीबीच आपसी एकता र सहिष्णुता कायम भई समृद्ध मुलुकको निर्माण गर्न सकियोस् भन्ने कामना गर्दछु ।
धन्यवाद !
मिति २०७३ पौष १५ गते शुक्रबार ।