महिना: अक्टोबर 2016

आज मिति २०७३ साल असोज २५ गते मंगलबारका दिन विजया दशमीको पावन अवसरमा बिहान ८:४५ को शुभसाइतमा सम्माननीय राष्ट्रपति श्रीमती विद्यादेवी भण्डारीज्यूले ‌आफ्ना काका श्री खगेन्द्र पाण्डेबाट टीका प्रसाद एवम् जमरा ग्रहण गर्नुभयो । यस अगाडि सम्माननीय राष्ट्रपतिज्यूलाई हनुमानढोका दरबार दशैंघरका मूल पूजारी श्री देवराज अर्याल र राष्ट्रपतिको कार्यालयमा दुर्गा स्थापना गर्ने पण्डित श्री खेमचन्द्र ढकालबाट अभिषेक भएको थियो । विजया दशमीको अवसरमा सम्माननीय प्रधानन्यायाधीश सुशीला कार्कीज्यू, पूर्व प्रधानमन्त्री एवम् विपक्षी दलका नेता माननीय के.पी.शर्मा ओलीज्यू, माननीय न्यायाधीशज्यूहरु, माननीय सभासदज्यूहरु, संवैधानिक निकायका पदाधिकारीज्यूहरु, विश्वविद्यालयका उपकुलपतिज्यूहरु, नेपाल सरकारका विशिष्ट श्रेणीका राष्ट्रसेवकहरुज्यूहरु,  उद्यमी, व्यवसायीज्यूहरु, सुरक्षा निकायका प्रमुख  तथा पदाधिकारीहरुज्यूहरु, सञ्चार कर्मीज्यूहरु एवम् Read More …

आज मिति २०७३ साल असोज २१ गते शुक्रबारका दिन सम्माननीय राष्ट्रपति श्रीमती विद्यादेवी भण्डारीज्यूबाट मन्त्रिपरिषद्को मिति २०७३/६/२० को सिफारिसमा बडा दशैं, २०७३ को उपलक्ष्यमा कारागार नियमावली, २०२० को नियम २९ को उपनियम (१) र (२क) एवं सजाय माफी, मुल्तवी, परिवर्तन वा कम गर्ने सम्बन्धी कार्यविधि, २०७१ बमोजिम असल चालचलन भई कैदको सजाय छोट्याउन योग्य देखिएका गजेन्द्र लावती समेत १०४ (एक सय चार) जना कैदीहरुको भुक्तान हुन बाँकी कैदको सजाय नेपालको संविधानको धारा २७६ बमोजिम माफी भएको छ । (केशव प्रसाद घिमिरे) उपसचिव

आज मिति २०७३ साल असोज १८ गते मंगलबारका दिन  सम्माननीय राष्ट्रपति श्रीमती विद्यादेवी भण्डारीज्यूले  व्यवस्थापिका-संसदका विभिन्न मितिको बैठकबाट पारित भई प्रमाणीकरणको लागि पेश हुन आएका देहाय बमोजिमका विधेयकहरु नेपालको संविधानको धारा ११३ को उपधारा (२) बमोजिम प्रमाणीकरण गर्नुभएको छ । सि.नं‌. विवरण १. विशेष आर्थिक क्षेत्रको स्थापना, संचालन र व्यवस्थापन गर्न बनेको विधेयक, २०७३ २. कर्मचारी सञ्चय कोषलाई संशोधन गर्न बनेको विधेयक, २०७३ ३. लेखापरीक्षण ऐनलाई संशोधन गर्न बनेको विधेयक, २०७३ ४. निक्षेप तथा कर्जा सुरक्षण कोषको स्थापना र सञ्चालन गर्ने सम्बन्धमा व्यवस्था गर्न बनेको विधेयक विधेयक, २०७३ ५. बैंकिङ कसूर तथा सजाय ऐनलाई संशोधन गर्न बनेको विधेयक, २०७३ ६. Read More …

आज मिति २०७३ साल असोज १७ गते सोमबारका दिन सम्माननीय राष्ट्रपति श्रीमती विद्यादेवी भण्डारीज्यूले नेपालको संविधानको धारा १५३ को उपधारा (१) को खण्ड (ङ) बमोजिम नेपाल बार एसोसिएशनको सिफारिसमा गरामनी-२, झापा  निवासी वरिष्ठ अधिवक्ता श्री रामप्रसाद सिटौलालाई न्याय परिषद्को सदस्य पदमा नियुक्त गर्नु भएको छ । (केशव प्रसाद घिमिरे) उपसचिव

आज मिति २०७३ साल असोज १६ गते आइतबारका दिन राष्ट्रपति भवन, शीतलनिवासमा सम्माननीय राष्ट्रपति श्रीमती विद्यादेवी भण्डारीज्यूसमक्ष नेपालका लागि मित्रराष्ट्र चीनका महामहिम राजदूत Mr. Wu Chuntai ले बिदाई भेट गर्नु भयो । भेटमा दुई देशबीच रहिआएको निकट साँस्कृतिक, आर्थिक र व्यापारिक सम्बन्ध लगायतका बिषयमा कुराकानी भयो । उक्त भेटमा सम्माननीय राष्ट्रपतिज्यूले गतवर्षको विनाशकारी भूकम्पपश्चात राहत र खोजी कार्य तथा पुनर्निर्माण कार्यमा चीन सरकारबाट प्राप्त सहयोगको लागि चीन सरकार तथा जनतालाई धन्यवाद दिनुहुँदै महामहिम राजदूतले नेपालमा रही निर्वाह गर्नुभएको सराहनीय भूमिकाप्रति महामहिम राजदूतलाई धन्यवाद समेत दिनुभयो । (केशव प्रसाद घिमिरे) उपसचिव