जितीया पर्व, २०७६ को शुभकामना सन्देश
नेपाली नारीहरुको विशेष पर्व जितीयाको सुखद् अवसरमा स्वदेश तथा विदेशमा रहनुभएका जितीया पर्व मनाउनु हुने सम्पूर्ण नेपाली दिदीबहिनीहरूमा हर्षोल्लास, सुख, शान्ति, समृद्धि, आपसी एकता, पारिवारिक सद्भाव एवं सुस्वास्थ्य र दीर्घ जीवनको हार्दिक शुभकामना व्यक्त गर्दछु।
यस पर्वमा नारीहरुले परिवारजनको सुस्वास्थ एवम् समृद्धिको कामना गर्दै ब्रत बसेर पूजा आराधना गर्ने प्रचलन रहेको छ ।बहुजाति, बहुभाषा, बहुसंस्कृति जस्ता विविधतायुक्त विशेषताले हाम्रो मुलुकमा मनाइने बिभिन्न चाडपर्वहरुलार्इ मौलिक तुल्याएका छन्।
नेपाली मौलिक साँस्कृतिक सम्पदाको सम्वर्द्धन गर्दै संस्कारयुक्त आदर्श सामाजिक वातावरण सृजना गर्न र सदाचार जीवनशैली अपनाउनका लागि यस्ता चाडपर्वहरूको गरिमालाई सम्मानजनक बनाई निरन्तरता दिनु आवश्यक छ ।
अन्तमा, नारीहरूको महत्वपूर्ण जितीया पर्वसँगै सबै नारीहरुमा सामाजिक, साँस्कृतिक तथा पारिवारिक एकता र सम्बन्ध थप सुमधुर बनाउन सहयोग पुगोस् भन्दै हार्दिक शुभकामना व्यक्त गर्दछु ।
धन्यवाद !
२०७६ असोज ५ गते, आइतबार ।
