सम्माननीय राष्ट्रपतिज्यूसमक्ष मित्रराष्ट्र भारतका विदेशमन्त्री महामहिम श्रीमती सुश्मा स्वराजबाट शिष्टाचार भेट

आज मिति २०७४ साल श्रावण २६ गते बिहीबारका दिन  राष्ट्रपति भवन, शीतलनिवासमा सम्माननीय राष्ट्रपति  श्रीमती विद्यादेवी भण्डारीज्यूसमक्ष हाल नेपाल भ्रमणमा रहनुभएका भारतका विदेशमन्त्री महामहिम श्रीमती सुश्मा स्वराजले शिष्टाचार भेट गर्नु भयो । सो अवसरमा दुई देशबीच रहेको ऐतिहासिक तथा मैत्रिपूर्ण सम्बन्धलाई थप सुमधुर र प्रगाढ वनाउने विषयमा कुराकानी भएको थियो । उक्त भेटका अवसरमा भारतका लागि नेपालका महामहिम राजदूत तथा नेपालका लागि भारतका महामहिम राजदूत एवम् दुवै सरकारका उच्च  पदस्थ अधिकारीहरु समेतको उपस्थिति थियो ।

 

(मोहन प्रसाद वाग्ले)

प्रवक्ता