नियुक्ति, हेरफेर र कार्य विभाजन गरी मन्त्रिपरिषद् गठन

विज्ञप्ति

सम्माननीय राष्ट्रपति श्री रामचन्द्र पौडेलज्यूले संबत् २०७९ साल पुस ११ गते गठित मौजुदा मन्त्रिपरिषद्‌मा नेपालको संविधानको धारा ७६ को उपधारा (९) बमोजिम प्रधानमन्त्रीको सिफारिसमा देहाय बमोजिमको नियुक्ति, हेरफेर र कार्य विभाजन गरी मन्त्रिपरिषद् गठन गर्नुभएको छ ।

क्र.सं. नाम, थर पद कार्यविभाजन
 1. श्री पुष्पकमल दाहाल “प्रचण्ड” प्रधानमन्त्री कानुन, न्याय तथा संसदीय मामिला; परराष्ट्र;  वन तथा वातावरण; युवा तथा खेलकुद; स्वास्थ्य तथा जनसङ्‌ख्याखानेपानी
 2. श्री पूर्णबहादुर खड्का उपप्रधानमन्त्री रक्षा
 3. श्री नारायणकाजी श्रेष्ठ उपप्रधानमन्त्री गृह
4. डा. बेदुराम भुसाल मन्त्री कृषि तथा पशुपंक्षी विकास
 5. श्री अशोककुमार राई मन्त्री शिक्षा, विज्ञान तथा प्रविधि
 6. श्री शरतसिंह भण्डारी मन्त्री श्रम, रोजगार तथा सामाजिक सुरक्षा
 7. श्री प्रकाशशरण महत मन्त्री अर्थ
8. श्री महिन्द्र राय यादव मन्त्री महिला, बालबालिका तथा ज्येष्ठ नागरिक
9. श्री शक्तिबहादुर बस्नेत मन्त्री ऊर्जा, जलस्रोत तथा सिँचाई
10. श्री रेखा शर्मा मन्त्री सञ्‍चार तथा सूचना प्रविधि
11. श्री सुदन किराती मन्त्री संस्कृति, पर्यटन तथा नागरिक उड्डयन
12. श्री अमनलाल मोदी मन्त्री सङ्घीय मामिला तथा सामान्य प्रशासन
13. श्री प्रकाश ज्वाला मन्त्री भौतिक पूर्वाधार तथा यातायात
14. श्री रञ्जिता श्रेष्ठ मन्त्री भूमि व्यवस्था, सहकारी तथा गरिबी निवारण
15. श्री रमेश रिजाल मन्त्री उद्योग, वाणिज्य तथा आपूर्ति
16. श्री सिता गुरूङ मन्त्री शहरी विकास
17. श्री सुशिला सिर्पाली ठकुरी राज्यमन्त्री संस्कृति, पर्यटन तथा नागरिक उड्डयन

आजै राष्ट्रपति भवनमा आयोजित विशेष समारोहमा सम्माननीय राष्ट्रपति श्री रामचन्द्र पौडेलज्यूसमक्ष नवनियुक्त माननीय उपप्रधान मन्त्रीज्यू र माननीय मन्त्रीज्यूहरूले नेपालको संविधानको धारा ८० बमोजिम मन्त्री पदको पद तथा गोपनीयताको शपथ लिनु भयो  ।

२०७९ साल चैत १७ गते शुक्रबार ।

(सागर आचार्य)

प्रवक्ता

सम्माननीय राष्ट्रपतिज्यू समक्ष नवनियुक्त माननीय उपप्रधानमन्त्री तथा रक्षा मन्त्रीज्यू शपथ ग्रहण गर्नुहुँदै

सम्माननीय राष्ट्रपतिज्यू समक्ष नवनियुक्त माननीय मन्त्रीज्यूहरू शपथ ग्रहण गर्नुहुँदै