विज्ञप्ति
सम्माननीय राष्ट्रपति श्री रामचन्द्र पौडेलज्यूले सम्माननीय प्रधानमन्त्री श्री सुशीला कार्कीज्यूको सिफारिसमा संवत् २०८२ भदौ २७ गते गठित मौजुदा मन्त्रिपरिषद्मा नेपालको संविधान बमोजिम देहाय अनुसारको नियुक्ति, हेरफेर र कार्यविभाजन गरी मन्त्रिपरिषद् गठन गर्नु भएको छ।
| क्र.सं. | नाम, थर | पद | कार्यविभाजन |
| १. | श्री सुशीला कार्की | प्रधानमन्त्री | उद्योग, वाणिज्य तथा आपूर्ति; कृषि तथा पशुपन्छी विकास; खानेपानी; परराष्ट्र; भूमि व्यवस्था, सहकारी तथा गरिबी निवारण; महिला, बालबालिका तथा ज्येष्ठ नागरिक; युवा तथा खेलकुद; रक्षा; वन तथा वातावरण; शिक्षा, विज्ञान तथा प्रविधि; श्रम, रोजगार तथा सामाजिक सुरक्षा; संस्कृति, पर्यटन तथा नागरिक उड्डयन; सङ्घीय मामिला तथा सामान्य प्रशासन; सञ्चार तथा सूचना प्रविधि र स्वास्थ्य तथा जनसङ्ख्या। |
| २. | श्री रामेश्वर प्रसाद खनाल | मन्त्री | अर्थ |
| ३. | श्री कुलमान घिसिङ | मन्त्री | ऊर्जा, जलस्रोत तथा सिंचाइ; भौतिक पूर्वाधार तथा यातायात; सहरी विकास |
| ४. | श्री ओम प्रकाश अर्याल | मन्त्री | गृह; कानून, न्याय तथा संसदीय मामिला |
साथै, आज राष्ट्रपतिको कार्यालयमा आयोजित विशेष समारोहमा सम्माननीय राष्ट्रपति श्री रामचन्द्र पौडेलज्यूसमक्ष नवनियुक्त माननीय मन्त्रीज्यूहरूले नेपालको संविधानको धारा ८० बमोजिम मन्त्री पदको पद तथा गोपनीयताको शपथ लिनु भएको छ ।
२०८२ साल भदौ ३० गते सोमबार।
ने.सं. ११४५ ञलागा अष्टमी।
(प्रदीप कुमार कोइराला)
प्रवक्ता
