विज्ञप्ति
सम्माननीय राष्ट्रपति श्री रामचन्द्र पौडेलज्यूले राष्ट्रपति भवनमा आयोजित विशेष समारोहमा भारतीय सेनाका स्थल सेनाध्यक्ष General Upendra Dwivedi, PVSM, AVSM लाई नेपाली सेनाको मानार्थ महारथी पद प्रदान गर्नुभयो। उक्त समारोहमा सम्माननीय उपराष्ट्रपति श्री रामसहाय प्रसाद यादवज्यू, सम्माननीय प्रधानमन्त्री श्री केपी शर्मा ओलीज्यू, माननीय रक्षा मन्त्री श्री मानवीर राईज्यू, नेपाल सरकार र नेपाली सेनाका उच्च पदस्थ अधिकारीहरूका साथै नेपालका लागि भारतका राजदूत लगायतको उपस्थिति रहेको थियो ।
समारोह पश्चात् सम्माननीय राष्ट्रपतिज्यूसमक्ष स्थल सेनाध्यक्ष General Dwivedi ले शिष्टाचार भेट समेत गर्नु भयो ।
२०८१ साल मङ्सिर ६ गते बिहीबार।
ने.सं. ११४५ कछलागा षष्ठी।
(शैलजा रेग्मी भट्टराई)
प्रवक्ता
