विज्ञप्ति
सम्माननीय राष्ट्रपति श्री रामचन्द्र पौडेलज्यूसमक्ष न्यूजिल्याण्डका उपप्रधानमन्त्री तथा परराष्ट्र मन्त्री Rt. Hon. Winston Peters ले राष्ट्रपति भवन, शीतल निवासमा शिष्टाचार भेट गर्नुभयो। सो अवसरमा नेपाल र न्यूजिल्याण्डबीच रहीआएको द्विपक्षीय सम्बन्ध, आपसी हित र चासोका विषयमा कुराकानी भयो।
उक्त भेटमा सम्माननीय राष्ट्रपतिज्यूले नेपाल र न्यूजिल्याण्डबीचको ऐतिहासिक मैत्रीपूर्ण सम्बन्ध र द्विपक्षीय सहयोगलाई अझ बलियो बनाउने अपेक्षा व्यक्त गर्नुहुँदै हिमालयन ट्रस्ट, शैक्षिक आदानप्रदान र अन्तर्राष्ट्रिय मञ्चमा सहकार्यको माध्यमले दुई देशबीचको जनस्तरीय सम्बन्ध प्रगाढ हुने कुरामा विश्वास व्यक्त गर्नुभयो।
२०८२ साल जेठ १४ गते बुधबार।
ने.सं. ११४५ तछलाथ्य पारु।
(ईश्वरीप्रसाद पाण्डे)
सहायक प्रवक्ता
