विज्ञप्ति
सम्माननीय राष्ट्रपति श्री रामचन्द्र पौडेलज्यूले नेपालको संविधानको धारा २८२ को उपधारा (१) बमोजिम नेपाल सरकार, मन्त्रिपरिषद्को सिफारिसमा क्यानाडाका लागि नेपालको आवासीय राजदूत श्री भरतराज पौड्याललाई गणतन्त्र क्यूवाका लागि; थाईल्याण्डका लागि नेपालको आवासीय राजदूत श्री धन बहादुर ओलीलाई समाजवादी गणतन्त्र भियतनामका लागि र ब्राजिलका लागि नेपालका आवासीय राजदूत श्री निर्मलराज काफ्लेलाई भेनेजुएलाका लागि गैरआवासीय नेपाली राजदूत पदमा नियुक्त गर्नु भएको छ।
२०८१ साल माघ २ गते बुधबार।
ने.सं. ११४५ प्वहेलागा द्वितीया।
(शैलजा रेग्मी भट्टराई)
प्रवक्ता