विज्ञप्ति
सम्माननीय राष्ट्रपति श्री रामचन्द्र पौडेलज्यू समक्ष नेपाल भ्रमणमा रहनुभएका ओमानका परराष्ट्रमन्त्री H.E. Sayyid Badr Hamad Al Busaidi ले राष्ट्रपति भवनमा शिष्टाचार भेट गर्नुभयो। सो अवसरमा नेपाल र ओमानबीच रहिआएको द्विपक्षीय सम्बन्ध, आपसी हित र चासोका विषयमा कुराकानी भयो। साथै, उक्त अवसरमा सम्माननीय राष्ट्रपतिज्यूले नेपाल र ओमानले आपसी हित र सरोकारका विषयमा संयुक्त राष्ट्र संघ, असंलग्न आन्दोलन र एशियाली सहयोग संवाद लगायत बहुपक्षीय र क्षेत्रीय मञ्चहरूमा सहकार्य गर्दै आइरहेको बताउँदै भविष्यमा पनि यस प्रकारको सहकार्यलाई निरन्तर दिने विश्वास व्यक्त गर्नुभयो।
२०८१ साल भदौ ११ गते मङ्गलबार।
ने.सं. ११४४ गुँलागा ८ मङ्गलबार।
(शैलजा रेग्मी भट्टराई)
प्रवक्ता
